رەسەيدە قارتايۋ قاۋپى ارتىپ كەتتى

استانا. قازاقپارات - Bloomberg رەسەيدى حالقىنىڭ قارتايۋ قاۋىپى بار 10 ەلدىڭ تىزىمىنە كىرگىزدى، دەپ حابارلايدى lenta.ru.

اگەنتتىكتىڭ ەسەبىنە سايكەس، ەلدەگى ءبىر زەينەتكەرگە ەڭبەككە قابىلەتتى 2,4 ادامنان كەلەتىن كورىنەدى. Bloomberg بۇل دەرەكتەردى ءار ەلدىڭ قازىرگى زەينەتكەرلىك جاسىن ەسەپكە الا شىعارعان.

رەسەيدە قازىرگى تاڭدا ەرلەر 60 تا، ايەلدەر 55 جاسىندا زەينەتكەرلىككە شىعادى. فرانسيا مەن سينگاپۋر قارتايۋ قاۋپى ەڭ ۇلكەن مەملەكەت رەتىندە كوش باستاپ تۇر. ولاردىڭ كورسەتكىشى ءار ەڭبەككەرگە شاققانداعى كورسەتكىش 2,2 ادامنان كەلەدى. مالتا، جاپونيا، شري-لانكا جانە بەلارۋس مەملەكەتتەرىندە ءبىر زەينەتكەرگە 2,3 جۇمىسشى تەڭ كەلەدى ەكەن. ا ق ش- تا ءبىر زەينەتكەر ءۇشىن 4,4 جۇمىسقا قابىلەتتى ادامنان كەلسە، قىتايدا - 6,5، ۆەنەسۋەلادا - 5,1، ال ۋگاندادا - 9.