وتاندىق عالىمدار بيداي مەن ارپانىڭ قۋاڭشىلىققا ءتوزىمدى سۇرپىن ءوسىرۋدى ويلاستىرىپ جاتىر

استانا. قازاقپارات -  وتاندىق عالىمدار بيداي مەن ارپانىڭ قۋاڭشىلىققا ءتوزىمدى سۇرپىن ءوسىرۋدى ويلاستىرىپ جاتىر. ولار اۆستراليا اۋىل شارۋاشىلىعىنىڭ وزىق ءتاسىلىن ەنگىزبەك.

سونداي- اق، ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ماماندارى كارتوپقا تۇسەتىن قوزدىرعىشتىڭ تۇرلەرىن انىقتاۋدى قولعا العان.

 ەلىمىزدەگى اۋىل شارۋاشىلىعى سالاسىنىڭ ماماندارى بيدايدىڭ ءبىر سورتىن شىعارۋعا ونداعان ءتىپتى 20 جىلىن سارپ ەتەدى ەكەن. بۇل مەرزىمدى قىسقارتۋدىڭ ءتيىمدى جولىن كوكتەمنەن باستاپ جۇزەگە اسىرماق. الەمنىڭ مەن دەگەن اۋىل شارۋاشىلىق ۋنيۆەرسيتەتىنەن تاجىريبە العان سالا ماماندارى ءداندى- داقىلداردىڭ بىرنەشە تۇرىنە تالداۋ جۇرگىزگەن.

ساتىبالدى جوتايەۆ، ەگىنشىلىك جانە ديحانشىلىق كافەدراسىنىڭ اعا وقىتۋشىسى:

 - سولتۇستىك قازاقستاننىڭ قۋاڭ كليماتتىق اۋداندارىنا ارنالعان قۇرعاقشىلىققا شىدامدى، ونىمدىلىگى جوعارى سۇرىپتاردى شىعارۋ - ءبىزدىڭ ماقساتىمىز. وتاندىق سەلەكسيونەرلەرگە جاردەمدەسۋ.

ءداندى داقىلداردىڭ ونىمدىلىگى جاقسى بولۋ ءۇشىن وعان تۇسكەن ۆيرۋستىق دەرتتى ەرتە انىقتاۋ ماڭىزدى. وسى تۇرعىدا ۋنيۆەرسيتەت عالىمدارى ەلىمىزدىڭ ءار وڭىرىندە وسىرىلەتىن كارتوپتا كەزدەسەتىن اۋرۋ تۇرلەرىن انىقتاپ، ارنايى بانك قۇرعان.

ۆاديم حاسانوۆ، كارانتيندىك وسىمدىكتەر كافەدراسىنىڭ وقىتۋشىسى:

- كارتوپتىڭ ۆيرۋستىق اۋرۋلارىن انىقتايتىن دياگنوستيكالىق تەست جۇرگىزەمىز. بۇرىندارى شەتەلدىڭ ءتاسىلدى قولداناتىنبىز. قازىر وتاندىق دياگنوستيكالىق تەستى پايدالانامىز. وسى ارقىلى كارتوپتىڭ جاپىراعىنا، تامىرىنا نەمەسە ونىمىنە تۇسكەن دەرتتى انىقتاي الامىز. بۇل دەگەنىمىز ونىمدىلىكتىڭ ارتۋىنا كەپىلدىك بەرەدى.

ال بۇل بولمەدە كادىمگى جاز ورناعان. جايقالعان جاپىراقتار، جاڭا پىسكەن قياردىڭ ءيسى مۇرىن جارادى. بۇل فيتوتروندا ستۋدەنتتەر قياردى جاساندى جانە قارا توپىراقتا قالاي ءوسىرۋ كەرەكتىگىن ۇيرەنىپ جاتىر. ءتىپتى، اينالدىرعان ەكى اپتادا ءونىم الۋعا دا بولادى.

 قالدىگۇل ءومىرجان قىزى، 3-كۋرس ستۋدەنتى:

- ءپىسىپ جەتىلگەن كەزدە كادىمگى قياردان جاساندى ورتادا وسەتىن قياردىڭ ايىرماشىلىعىن بايقايمىز. ءبىزدىڭ بايقاۋىمىزشا جاساندى ورتادا وسەتىن قيار تەز وسەدى، كوپ ءونىم بەرەدى. ءبىراق قارا توپىراقتا وسكەن قياردان قۇنارلىلىعى از. ءدامى دە سۋ تاتيدى. گيدروقوندىرعىداعى قيار ءونىمدى تەز بەرەدى ءارى ەكونوميكالىق ءتيىمدى. ءبىز ەكى اپتادا ونىمدىلىگىن الا الامىز.

ىرىسگۇل تۇربەكوۆا، ەگىنشىلىك جانە وسىمدىك شارۋاشىلىعى كافەراسىنىڭ اعا وقىتۋشىسى:

 - فيتوترونداعى جاڭالىعىمىز ول مينيگيدروفونيكا قۇراستىرىپ شىعاردىق. كوكەنىس داقىلدارىنان ءونىم الۋ ءۇشىن كوشەتتەر الدىن- الا وتىرعىزىلادى. جاساندى سۋبستراكتاردا وسىمدىكتەر وسەدى.

 بۇگىندە زاماناۋي ءبىلىم بەرۋ جۇيەسىندە تەوريادان گورى تاجىريبەگە كوپ كوڭىل بولىنەدى. اسىرەسە، اۋىل شارۋاشىلىعى سالاسىندا بۇل تاپتىرماس ءتاسىل، - دەيدى ماماندار. سەبەبى، مۇندا ماگيسترلەر مەن ستۋدەنتتەردىڭ تەوريادان تاجىريبەسى باسىم.

نۇرلان سەرىكبايەۆ، قاتۋ اكادەميالىق ماسەلەلەر جونىندەگى دەپارتامەنت ديرەكتورى:

 - بىلتىردان باستاپ ءبىزدىڭ 1200 گەكتارلىق اۋىل شارۋاشىلىعى كامپۋستا جۇمىستار جۇرگىزىلىپ جاتىر. وندا ءبىز تىڭايعان جەرلەردى يگەرىپ، عىلىمي جۇمىس جۇرگىزەمىز. ونىڭ داقىلدارىن الدىق.

 اۋىل شارۋاشىلىعى ماماندارىن دايىندايتىن وقۋ ورنى بۇگىندە ا ق ش- تىڭ Davis ۋنيۆەرسيتەتىندەگى عالىمدارىمەن بىرلەسىپ جۇمىس ىستەۋدە. جاڭا ءبىلىم بەرۋ باعدارلاماسىن دا ەنگىزگەن.

www.24.kz