ەلباسى پاكىستاننىڭ پرەمەر- ءمينيسترى ناۆاز شاريفپەن تەلەفون ارقىلى سويلەستى
دەپ حابارلادى اقوردانىڭ باسپا ءسوز قىزمەتى.
قازاقستان پرەزيدەنتى مەن پاكىستان پرەمەر- ءمينيسترى ەلدەرىمىز اراسىندا ديپلوماتيالىق قارىم- قاتىناستىڭ ورناعانىنا 25 جىل تولۋىنا بايلانىستى ءبىرىن- ءبىرى قۇتتىقتادى.
ن. شاريف نۇرسۇلتان نازاربايەۆتى بيىلعى ناۋرىزدا يسلامابادتا وتەتىن ەكونوميكالىق ىنتىماقتاستىق ۇيىمىنىڭ سامميتىنە قاتىسۋعا شاقىردى.
ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگى اياسىندا قازاقستان رەسپۋبليكاسىنىڭ اۋعانستان جونىندەگى كوميتەتكە ءتوراعالىعىن ەسكەرىپ، تاراپتار اۋعانستان يسلام رەسپۋبليكاسىنداعى احۋال جونىندە پىكىر الماستى. بۇل ەلدە بەيبىتشىلىك پەن تۇراقتىلىققا، ىشكى ۇيلەسىمدىككە قول جەتكىزۋدى كوزدەيتىن ورتاق ۇستانىمدار ورتاعا سالىندى.
بۇدان بولەك، كوپ تاراپتى قۇرىلىمدار، اتاپ ايتقاندا ب ۇ ۇ مەن ش ى ۇ اياسىنداعى ىنتىماقتاسۋ ماسەلەلەرى تالقىلاندى.
تەلەفون ارقىلى سويلەسۋگە پاكىستان جاعى باستاماشى بولدى.
