ۆيتاس ديماش قۇدايبەرگەنوۆكە شاعىم ايتا المايدى - مامان
ايتا كەتەيىك، كەشە رەسەيلىك ءانشى ۆيتاستىڭ ءانىنىڭ قىتاي تەلەارناسىندا ورىندالعانى ءۇشىن ارىز تۇسىرگەنى بەلگىلى بولعان ەدى. قىتاي ب ا ق- تارى رەسەيلىك ءانشىنىڭ I am a Singer مۋزىكالىق بايقاۋىن كورسەتكەن Hunan TV ارناسىنىڭ ۇستىنەن ارىزدانعانىن جازعان. ءانشى قازاقستاندىق ديماش قۇدايبەرگەنوۆتىڭ "وپەرا №2" ءانىن ورىنداعانىنا نارازى بولعان. ول ەندى قالاماقى تالاپ ەتىپ وتىر ەكەن.
ۆيتاس ءوز شاعىمىن الەۋمەتتىك جەلىلەردە جاريالاعان.
ال ءوز كەزەگىندە ديماش قۇدايبەرگەنوۆتىڭ PR- مەنەدجەرى الپامىس شاريموۆ بۇعان قاتىستى پىكىر بىلدىرمەيتىنىن، الايدا ۆيتاستىڭ شاعىمى تەلەارناعا تۇسىرىلگەنىن ايتتى.
اۆتورلىق قۇقىقتار جونىندەگى ساراپشى تەمىرلان تولەگەنوۆ بولسا ۆيتاس ءوز اندەرىنىڭ بايقاۋلاردا ورىندالۋىنا تىيىم سالا المايدى دەگەن پىكىردە.
"ادەتتە كونكۋرستاردا مۇنداي تىيىمنىڭ كۇشى جوق. سوندىقتان كونكۋرستاردا كەز كەلگەن ءاندى ورىنداي بەرۋگە بولادى. الايدا مۇنداعى ماسەلە قۇقىقتى كىمنىڭ قورعايتىنىندا بولىپ وتىر. ماسەلەن، بەلگىلى ءبىر فيلم تۇسىرگىڭىز كەلدى دەلىك. وعان اۋەن تاڭداعاندا اۆتورىنان رۇقسات سۇراپ، سىياقىسىن تولەيسىز - بۇل اۆتورلىق قۇقىقتىڭ ساقتالۋى. وعان بەلگىلى مۋزىكانىڭ جارنامادا قولدانىلۋى دا جاتادى. ادەتتە، مەنىڭ بىلۋىمشە، SuperStar.kz سياقتى بايقاۋلاردا ليتسەنزيالارىنا سايكەس، نە مۋزىكالىق باسپالارمەن، نە اۆتورلىق ۇيىمدارمەن كەلىسىم جاسالادى. وسى مۋزىكالىق ماتەريال قۇقىق يەلەرىنە تولەم جاسالعاننان كەيىن بەرىلۋى قاجەت. سوندىقتان، مەنىڭ بىلۋىمشە، بۇل كونكۋرستاردىڭ قاراپايىم پروتسەدۋراسى"، - دەيدى تولەگەنوۆ.
سونىمەن قاتار، ونىڭ ايتۋىنشا، بايقاۋلاردا مۋزىكالىق پروديۋسەرلەر قاتىسۋشىلارعا ءان تاڭداۋعا جانە ورىنداۋعا كومەكتەسەدى، سەبەبى كوماندا رەيتينگ ءۇشىن جۇمىس ىستەيدى. بايقاۋعا قاتىسۋشى ورىندايتىن ءانىن ءوزى تاڭداي بەرمەيدى. الايدا، ايتۋىنشا، ۆيتاس ديماش قۇدايبەرگەنوۆكە اندەرىن ايتۋعا رۇقسات بەرمەي قويۋى مۇمكىن ەكەن.
"ول جەكە انشىلىگىندە ءوز اندەرىن ورىنداۋعا رۇقسات بەرمەۋى مۇمكىن، ءوز كومپوزيتسيالارى بار ءان جيناق شىعارۋىنا قارسى بولۋى مۇمكىن. ءبىراق بايقاۋعا قاتىسۋشى رەتىندە وعان شاعىم تۇسىرە المايدى. شاعىمدانعىسى كەلسە، ديماشقا ەمەس، كونكۋرسقا شاعىمدانا الادى"، - دەدى مامان.
سونداي- اق، تولەگەنوۆتىڭ ايتۋىنشا، اۆتورلىق قۇقىقتى قورعاۋ تۋرالى شاعىمدار ادەتتە سوتقا جەتە بەرمەيدى. شاعىمدانۋشىلار تالاپتارىن جانە زاڭسىز قولدانىلعان مۋزىكا ءۇشىن سىياقى سوماسىن اتايدى. ال مۇنداي جاعدايدا جاۋاپ بەرۋشىلەر سىياقىنى تولەپ بەرۋگە كەلىسىم بەرەدى.
ايتا كەتەيىك، ديماش قۇدايبەرگەنوۆ 28 -قاڭتاردا قىتايدا ءوتىپ جاتقان I Am a Singer مۋزىكالىق كونكۋرسىنىڭ ەكىنشى كەزەڭىندە دە جەڭىمپاز اتانعان بولاتىن. ءانشى رەسەيلىك اتاقتى ۆيتاستىڭ "وپەرا 2" اتتى تۋىندىسىن ورىنداعان ەدى.
