مۇرتازا بۇلىتاي ديماشقا قاتىستى سىنىنا تۇسىنىكتەمە بەردى
«بۇگىنگە دەيىن قىتايدىڭ كيىمىن كيدىك، زاتتارىن تۇتىندىق، ءبىراق قىتاي سانامىزعا كىرە الماعان بولاتىن، ءبىزدىڭ قىتايعا دەگەن كوزقاراسىمىز ايتەۋىر بازارىمىزدى سولاردىڭ ونىمدەرى جاۋلاپ العان، بۇكىل الەمدى قىتاي اسىراپ جاتىر دەگەن قارابايىر تۇسىنىك دەڭگەيىندە بولاتىن. ال قىتاي سىرتىمىزدا جۇرسە دە ىشىمىزگە كىرە الماعان بولاتىن. ياعني، سانامىزعا، اقىلىمىزعا، سەزىمىمىزگە، مەنتاليتەتىمىزگە، پسيحولوگيامىزعا وسىنداي تەلەجوبالار قىتايدىڭ تەلەكانالدارىن ءاربىر قازاقتىڭ ۇيىنە كىرگىزىپ بەردى. اينالىمنان اينالىمعا ءدۇيىم جۇرت وسى تەلەجوبانى اڭدۋمەن، اسىعا كۇتۋمەن، قاراۋمەن وتەتىن بولدى. ال ءوزىڭىز بىلەسىز وسى تەلەۆيزور، قازىرگى ينتەرنەت اقپاراتتى تاسىمالداۋدىڭ، سانانى جاۋلاۋدىڭ ەڭ باستى قۇرالى. قازىر قىتايعا دەگەن كوزقاراس وزگەرىپ بارادى، بۇرىنعى سەكەمشىلدىكتەن، سەسكەنۋدەن گورى قازىر تەك وڭ باعا بەرىپ، وزەۋرەتە قارايتىندار پايدا بولىپ جاتىر، وسىنى ايتىپ وتىرمىن. ونەر دە، سپورت تا، ءدىن دە تىكەلەي نەمەسە جاناما تۇردە كەيبىر ىقپالداردى تاسىمالداۋ ءۇشىن قولدانۋعا قولايلى قۇرالدار، لەزدە پالەنباي ميلليون ادامنىڭ نازارىن اۋدارتا الاتىن كۇش پوتەنسيالى عاجاپ فەنومەندەر. مەنىڭ ايتىپ وتىرعانىم وسى قىرى عانا، باسقا جاققا تارتپاڭىزدار، بۇرمالاماڭىزدار، دۇرىس تۇسىنىڭىزدەر قۇرمەتتى حالايىق...»، دەپ جازدى ول ءوزىنىڭ فەيسبۋكتەگى پاراقشاسىندا.
ەستەرىڭىزگە سالا كەتسەك، ديماشتىڭ اكەسى قانات ايتبايەۆ ءوزىنىڭ فەيسبۋكتەگى پاراقشاسى ارقىلى ءدىنتانۋشى سىنىنا جاۋاپ بەرگەنىن حابارلاعان بولاتىنبىز.
اۆتور: مارلان جيەمباي
