استانادان شابادان ساتىپ العان جىگىت سول دۇكەندى سوتقا بەردى

استانا. قازاقپارات - استاناداعى «Sine Tempore» ساۋدا ورتالىعىنداعى بۋتيكتەردىڭ بىرىنەن شابادان ساتىپ العان جىگىت دۇكەندى سوتقا بەردى، دەپ حابارلايدى قازاقپارات استانا قالالىق سوتتىڭ باسپا ءسوز قىزمەتىنە سىلتەمە جاساي وتىرىپ.

2016 -جىلدىڭ 7 -قىركۇيەگىندە ەر ادام استاناداعى «Sine Tempore» ساۋدا ورتالىعىنداعى بۋتيكتەردىڭ بىرىنەن شابادان ساتىپ العان. الايدا، ورال قالاسىنا جەتە سالا جۇك سالعىشتىڭ باۋى ءۇزىلىپ قالعان. سودان كەيىن ەر ادام دۇكەنگە كەلىپ اقشا قايتارۋىن نەمەسە شاباداندى اۋىستىرىپ بەرۋىن سۇراعان. الايدا، ساتۋشى وعان كونبەگەن.

استانا قالالىق تۇتىنۋشىلاردىڭ قۇقىعىن قورعايتىن «ادىلەت» قوعامدىق بىرلەستىگىنىڭ ارقاسىندا جىگىت سارى ارقا اۋداندىق سوتىنا ساتىپ العان ساپاسىز بۇيىمنىڭ اقشاسىن قايتارىپ الۋ تۋرالى ارىزدانعان. سوت ساتۋشى تۇتىنۋشىنىڭ قۇقىعىن بۇزدى دەپ، شاباداننىڭ اقشاسىن، سونداي- اق، مورالدىق شىعىندى وتەۋ تۋرالى شەشىم شىعاردى. سوت شەشىمى ءالى زاڭدى كۇشىنە ەنگەن جوق.

اۆتور: كەنجەكەي توقتامۇرات قىزى