تايلاندتاعى قوناق ۇيدەن قازاقستاندىقتىڭ ءمايىتى تابىلدى

ەر ادامنىڭ نەدەن كوز جۇمعانىن پوليتسيا ازىرگە ايتقان جوق، دەپ حابارلادى Thaigovno.com. تۇراقتاۋشىنىڭ ءمايىتىن قوناق ءۇي قىزمەتكەرلەرى جاعىمسىز ءيىس شىعا باستاعاندا عانا تاپقان. 31 -قاڭتار كۇنى شامامەن 23:30 -دا پوليتسياعا بۇل تۋرالى حابار بەرىلگەن. وقيعا ورنىنا كەلگەن پوليتسيا قوناق ءۇيدىڭ ءۇشىنشى قاباتىنداعى 327-نومىردەن جىلاپ وتىرعان الكوگولدى ىشىمدىككە ماس تايلاندتىق ايەل مەن 41 جاستاعى قازاقستاندىقتىڭ ءولى دەنەسىن تاپتى.

الدىن الا بولجام بويىنشا، ەر ادام 2-3 كۇن بۇرىن كوز جۇمعان. ونىڭ دەنەسىندە زورلىق- زومبىلىق ىزدەرى بولعان جوق. ءنومىردىڭ ءىشى دە جيناستىرىلماعان. پاتتايا پوليتسيالىق ۋچاسكەسىندە جۇمىس ىستەيتىن لەيتەنانت پاتتانان سومنىان ۆيكتوردىڭ ءولىم سەبەبىن انىقتاۋ ءۇشىن دەنەسىن سوت مەديتسيناسى ينستيتۋتى جانىنداعى گوسپيتالعا الىپ كەتكەنىن حابارلادى. سونىمەن بىرگە، پوليتسيا مارقۇمنىڭ نەدەن قايتىس بولعانىن انىقتاۋ ءۇشىن ونىڭ قۇربىسىن تەرگەۋدى جوسپارلاپ وتىر.