نارەستەنى قۇتقارۋ ءۇشىن قىتايلىق ونى جاعاعا قاراي لاقتىردى - كەسكىن
وتباسى ءوز ومىرلەرى ءۇشىن كۇرەسىپ جاتقان كەزدە، ولاردىڭ ارەكەتىن وزگەلەر تاسپاعا باسىپ العان. وندا وتاعاسى جاسىنا تولماعان بالانىڭ ءومىرىن ساقتاپ قالۋ ءۇشىن، باتىپ باراجاتقان كولىكتىڭ ۇستىندە تۇرىپ، جاعاداعى دوسىنا قاراي ونى بار كۇشىمەن لاقتىرادى. قاۋىپتى شەشىمنىڭ سوڭى ءساتتى بولىپ، بالانىڭ ءومىرى ساقتالدى.
ميرور باسىلىمىنىڭ جازۋىنشا بۇل جاعداي قىتايدىڭ چاندە قالاسىندا بولعان. جۇرگىزۋشى كولىككە ءوز وتباسى مۇشەلەرىنىڭ بارلىعىن وتىرعىزىپ، تۋىستارىنىڭ ۇيىنەن قايتىپ كەلەجاتقان. ويلاماعان جەردەن وزەنگە ءتۇسىپ كەتكەن كولىك ىشىندەگىلەر اسىعىپ وزدەرىن قۇتقارىپ كەتىپ قالعان. ال نارەستە جۇرگىزۋشى ورىندىعىندا وتىرعان اكەسىنىڭ قولىندا قالىپ قويعان. شوشىپ قالعان اكە قورىققانىمەن بالانىڭ ءومىرى ءۇشىن بارىنشا كۇرەسىپ، دەرەۋ قاۋىپتى شەشىمدى قابىلداعان.
كولىك ىشىندەگىلەردىڭ بارلىعى دا دەنساۋلىقتارىنا ەشقانداي زيان كەلتىرمەگەنى انىقتالعان. كولىكتى سۋدان ەۆاكۋاتور الىپ شىققان.
