10:31, 01 - اقپان 2017 | GMT +6
وڭتۇستىك افريكا ارىستاندارى جولدى بوگەپ تاستادى - كەسكىن
استانا. قازاقپارات - وڭتۇستىك افريكا رەسپۋبليكاسىندا جولدىڭ قاق ورتاسىندا بۋيۆولدىڭ ولەكسەسىن جەپ، «پيكنيك» قۇرعان ءبىر توپ ارىستاندى كولىك جۇرگىزۋشىلەر ۆيدەوعا ءتۇسىرىپ العان.
Daily Mail اگەنتتىگىنىڭ حابارلاۋىنشا، وقيعا ليمپوپو پروۆينتسياسىنداعى كريۋگەر ۇلتتىق ساياباعىندا بولىپتى.
كۋاگەرلەردىڭ ايتۋىنشا، اۆتوتراسسانىڭ ءدال ورتاسىندا اشاتۇياقتىنىڭ ولەكسەسىن ءبولىپ، جۇلمالاپ جەگەن 18 اش ارىستان ۇلكەن كەپتەلىس تۋدىرعان. جىرتقىشتاردىڭ تاماقتانۋى بىرنەشە ساعاتقا سوزىلعان. ولار باتىلدىق جاساپ، كولىكتەن ءتۇسىپ جۇرگەن ادامدارعا دا كوڭىل اۋدارماعان.
24.kz
