قىزمەتكەرى تولتىرعان حاتتامانى جىرتقان پوليتسيا باستىعى جۇمىستان كەتتى
بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە اتىراۋ وبلىستىق ءى ءى د جەرگىلىكتى پوليتسيا قىزمەتى باسشىسىنىڭ ورىنباسارى الىبەك قايىروۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى.
«قازىرگى ۋاقىتتا اتالمىش فاكتى بويىنشا سوتقا دەيىنگى تەرگەپ- تەكسەرۋ جۇرگىزىلۋدە. قابىلداناتىن جازالاۋ شاراسى سونىڭ ناتيجەسى بويىنشا بەلگىلى بولادى»، - دەدى ءا. قايىروۆ. بۇعان دەيىن حابارلانعانداي، ماحامبەت اۋدانىندا ن. دوسقايىروۆتىڭ قاتىسۋىمەن بولعان وقيعانىڭ ۆيدەوسى 2016 -جىلدىڭ جەلتوقسان ايىندا الەۋمەتتىك جەلىلەرگە ورنالاستىرىلدى. بەينەجازبا ۇلكەن قوعامدىق رەزونانس تۋدىردى. پوليتسەيلەر ءنومىرسىز كەتىپ بارا جاتقان تراكتوردى توقتاتىپ، حاتتاما تولتىرعان. تراكتورشى تەلەفون ارقىلى كومەككە اۋدان اكىمىنىڭ ورىنباسارىن، ال ول ءوز كەزەگىندە، پوليتسيا قىزمەتىنىڭ باستىعىن شاقىرادى. وقيعا ورنىنا جەتكەن دوسقايىروۆ قول استىنداعى قىزمەتكەرلەرى تولتىرعان حاتتامانى جىرتىپ، ولاردى ادەپتەن تىس سوزدەرمەن بالاعاتتاعان.
