تارازدا قىمىز وندىرۋشىلەردىڭ قاۋىمداستىعى قۇرىلدى
«قازاق قىمىزى» قاۋىمداستىعى قىمىز وندىرەتىن ۇساق تاۋار وندىرۋشىلەردى اۋىلشارۋاشىلىق كووپەراتيۆتەرىنە اينالدىرۋ ماقساتىندا قۇرىلدى. قاۋىمداستىق ۇلتتىق ءونىمنىڭ ەل ىشىندەگى ءوندىرىسىن ۇلعايتىپ قانا قويماي، ونى شەتەلگە ەكسپورتتاۋعا قولعابىس ەتەتىن بولادى.
اتاپ وتىلگەندەي، قىمىزدىڭ شەت ەلدەگى باستى ساتىپ الۋشىلارى - رەسەي، قىتاي، ۆەنگريا جانە اۆستريا. قاۋىمداستىقتىڭ قوعامدىق كەڭەسىنىڭ العاشقى جۇمىس وتىرىسى م. ح. دۋلاتي اتىنداعى تاراز مەملەكەتتىك ۋنيۆەرسيتەتىندە (تار م ۋ) ءوتتى.
ءىس- شارا بارىسىندا «زاڭ» ج ش س ديرەكتورلار كەڭەسىنىڭ ءتوراعاسى دۇيسەنبەك ىبىناليەۆ ۇيىمنىڭ مۇشەلەرىنە كۋالىكتەر تابىس ەتتى. قاۋىمداستىقتىڭ قۇرمەتتى پرەزيدەنتى بولىپ تار م ۋ- دىڭ رەكتورى ماحمەتعالي سارىبەكوۆ سايلاندى، دەپ حابارلادى ج و و- نىڭ باسپا ءسوز قىزمەتىنەن. قاۋىمداستىق پرەزيدەنتى بولۋ «زاڭ» ج ش س- نىڭ ديرەكتور ورىنباسارى ەلميرا ىبىناليەۆاعا جۇكتەلدى. ۇيىمعا بارلىعى 22 ادام مۇشە بولدى.
