احمەتوۆ ىسىندەگى تاعى ءبىر ادام راقىمشىلىققا ءىلىندى
«قاراعاندى قالاسى قازىبەك ءبي اۋدانىنىڭ پروباتسيا قىزمەتى ادامبەكوۆتى راقىمشىلىق ارقىلى بوساتۋ تۋرالى ءوتىنىش ءبىلدىردى. قازىبەك ءبي اۋداندىق سوتىنىڭ 2017 -جىلدىڭ 30 -قاڭتارىنداعى قاۋلىسىنا سايكەس، ءوتىنىش قاناعاتتاندىرىلدى.
«قازاقستان رەسپۋبليكاسى تاۋەلسىزدىگىنىڭ 25 جىلدىعىنا بايلانىستى راقىمشىلىق جاساۋ تۋرالى» زاڭعا سايكەس، ادامبەكوۆ شارتتى تۇردە ەكى جىل باس بوستاندىعىنان ايىرۋ جازاسىنان بوساتىلدى»، - دەپ حابارلادى اۋداندىق سوتتىڭ كەڭسەسىنەن.
سوتتىڭ قاۋلىسى ءالى زاڭدى كۇشىنە ەنگەن جوق، سوندىقتان، اپەللياتسيالىق ساتىدا بۇل شەشىمگە قاتىستى شاعىم ءتۇسۋى مۇمكىن. ەستەرىڭىزگە سالا كەتەيىك، قاراعاندى قالاسى اكىمىنىڭ بۇرىنعى ورىنباسارى ادامبەكوۆ اۋەل باستا قىزمەتىن اسىرا پايدالاندى دەپ ايىپتالعان بولاتىن.
كەيىن مەملەكەتتىك ايىپتاۋشى ونىڭ ءىسىن «زاڭدى كاسىپكەرلىك قىزمەتكە كەدەرگى جاساۋ» ىسىنە اۋىستىرعان بولاتىن. قاراعاندى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 2015 -جىلعى 11 -جەلتوقسانداعى ۇكىمىمەن مۇحتار ابامبەكوۆ شارتتى تۇردە ەكى جىلعا باس بوستاندىعىنان ايىرىلعان بولاتىن. بۇدان بۇرىن حابارلاعانىمىزداي، سىبايلاس جەمقورلىق ءۇشىن 8 جىلعا سوتتالعان بۇرىنعى پرەمەر- مينيستر سەرىك احمەتوۆ تە راقىمشىلىققا ءىلىنىپ، مەرزىمى قىسقارتىلعان بولاتىن.
