ءتىس اۋرۋىنىڭ سەبەپتەرى

استانا. قازاقپارات - ءتىس ءتۇبىنىڭ قالىپسىز قاناۋى ءتىس ءتۇبى جانە جيەگىنىڭ قابىنۋى اۋرۋىنىڭ بەلگىسى بولۋى مۇمكىن.

ءتىس ءتۇبى قابىنعاندا قىزارىپ ءىسىپ، شەت- شەتى بازدانىپ، ءبىر نارسە ءتيىپ كەتسە بولدى قان شىعادى. ال ءتىس جيەگى قابىنعاندا ءتىس ءتۇبى قابىنۋىنىڭ بەلگىلەرىنەن تىس، ءتىس بوسايدى، تىسكە تاماق قىستىرىلىپ قالادى.

ءتىس ۇلپالارىنىڭ ءوسۋى.

مۇندا ءتىستىڭ ءتۇبى بۇلتيىپ وسەدى. وسكەن ۇلپالار ءتىستىڭ بەتىن جاۋىپ الادى. ءتىستىڭ ءتۇبى، ءتىس قاڭقاسى وسكەن ۇلپالاردىڭ استىندا قالىپ، قان شىعادى.

تىسكە قاق تۇرۋ.

ءتىستىڭ اراسىنا قىستىرىلىپ قالعان قالدىق تاماقتاردىڭ باكتەريالانۋىنان پايدا بولادى. بۇل ءتىس ءتۇبى قاناۋىنىڭ باستى سەبەپتەرىنىڭ ءبىرى. سونداي- اق، س دارۋمەنى ۇزاق ۋاقىت جەتىسپەگەندىكتەن، ءتىس ءتۇبى ۇلپالارىنىڭ ۇساق تامىرلارىنىڭ كەۋىكتىگى ارتىپ، سىڭىرىمدىلىگى جوعارىلاپ، وڭاي قانايدى. نازار اۋدارۋعا ءتيىستى جايت: گەموفيليا، قان پلاستيكاسى سىندى قان اۋرۋىنا شالدىققان ناۋقاستاردا ءتىس ءتۇبى قانايدى. سونداي-اق قان وبىرى اۋرۋىنا شالدىققانداردىڭ 80 پايىزىندا العاشقى كەزدە ءتىس ءتۇبى قانايدى.

ءتىس اۋرۋى ءتىستىڭ عانا اۋرۋى بولماۋى مۇمكىن. سوندىقتان، ءتىستىڭ ءتۇبى بىرنەشە كۇن قاناپ باسىلماسا جانە اۋىز قۋىسىنان بوگدە ءيىس شىقسا، وعان قوسا بۋىنى قاقساۋ، قىزۋ، مۇرىننان سۋ اعۋ جانە باسقا دا قاتەرلى اۋرۋلاردىڭ بەلگىسى بايقالسا، دەر كەزىندە دارىگەرلەردىڭ كومەگىنە جۇگىنۋ قاجەت.

«جاس- اي» مەديتسينالىق اقپاراتتىق جۋرنالى