ۇكىمەت بيزنەسكە جاڭا جەڭىلدىكتەر دايىنداۋدا - مينيستر
«وسى مىندەتپەن ءبىز اسا بەلسەندى اينالىسامىز. پرەزيدەنت نۇرسۇلتان نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ باستى باسىمدىقتارىنىڭ ءبىرى - ەكونوميكانىڭ رەتتەۋشىلىك جۇكتەمەسىن اۋقىمدى تۇردە ازايتۋ.
بۇدان ەڭ باستىسى شاعىن جانە ورتا بيزنەس پايدا كورەدى. سەبەبى ءىرى كومپانيالار ادەتتە كوپ كولەمدەگى رەتتەۋشى نورمالاردى وڭاي ەڭسەرۋگە مۇمكىندىك بەرەتىن ءتۇرلى زاڭگەرلەر، سالىق كەڭەسشىلەرى مەن ءتۇرلى كونسۋلتانتتار بولادى. 1 -شىلدەگە دەيىن ءبىز رەتتەۋشى نورمالاردى ەداۋىر قىسقارتاتىن بيزنەستى قايتا رەتتەۋ جونىندەگى جۇيەلى شارالار ازىرلەۋىمىز كەرەك»، - دەدى ول.
ونىڭ اتاپ وتكەنىندەي، بيزنەستى رەتتەۋشى نورمالاردىڭ قىسقارتىلۋى بيزنەستىڭ قوسىمشا شىعىندارىن ازايتۋعا سەپ بولماق. ەسكە سالا كەتەيىك، پرەزيدەنت نۇرسۇلتان نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا بيزنەس- ورتانى تۇبەگەيلى جاقسارتۋ جانە كەڭەيتۋ بويىنشا ناقتى تاپسىرمالار جۇكەتەگەن بولاتىن.
«مەملەكەتتىك قىزمەت كورسەتۋ ۇدەرىسى مەيلىنشە وڭتايلاندىرىلۋعا ءتيىس. قۇجاتتاردىڭ مەرزىمى مەن تىزبەسىن قىسقارتىپ، قايتالاناتىن راسىمدەردى جويۋ كەرەك. بۇل ورايدا ادامنىڭ ءوزىنىڭ بارۋىن قاجەتسىنبەيتىن تولىق ەلەكتروندىق فورماتقا كوشىرۋ كەرەك. سونداي- اق، بيزنەستىڭ قازىرگى قولدانىستاعى رەتتەۋشىلىك جۇكتەمەسى ءوسىمنىڭ جاڭا مودەلىن جاساۋ مىندەتىمەن ۇيلەسپەيدى. ۇكىمەت پەن اكىمدەرگە بيىلعى 1 -شىلدەگە دەيىن بيزنەستى قايتا رەتتەۋ جونىندەگى جۇيەلى شارالار ازىرلەۋ مىندەتىن جۇكتەيمىن. دامىعان ەلدەردىڭ وزىق ستاندارتتارى مەن تاجىريبەسىن ەنگىزۋ كەرەك»، - دەلىنگەن جولداۋدا.
