اقمولا وبلىسىندا تۇلكىلەرگە قىرعيداي تيگەن براكونەرلەر ۇستالدى
پوليتسەيلەردىڭ مالىمەتى بويىنشا، اعىمداعى جىلدىڭ 29- قاڭتارىندا «پو «وحوتزووپروم» ر م ق ك جۇمىسشىلارى مەن تابيعاتتى قورعاۋ پوليتسياسىنىڭ قىزمەتكەرلەرى بىرلەسىپ، ەگىندىكول اۋدانى اۋماعىندا زاڭسىز اڭ اۋلاۋدى الدىن الۋ بويىنشا رەيد ۇيىمداستىردى.
«اتالعان رەيد كەزىندە جامانقۇلاق اۋىلىنىڭ ماڭىندا قاردا جۇرەتىن كولىكپەن (سنەگوحود) اڭ اۋلاپ جۇرگەن ەكى ادام ۇستالدى. ۇستالعانداردىڭ 1963 جانە 1969 -جىلى تۋعان سەلينوگراد اۋدانىنىڭ تۇرعىندارى ەكەنى انىقتالدى.
تەكسەرىس بارىسىندا ولاردىڭ كولىكتەرىنەن زاڭسىز اتىپ العان 9 تۇلكى، توز-3412 جانە م ر-15512 كاليبرلى مىلتىق، 20 دانا «فەتتەر» وعى تاركىلەندى»، دەپ كورسەتىلگەن حابارلامادا. قازىرگى كەزدە، براكونەرلەردىڭ قورشاعان ورتاعا 153157 تەڭگە شىعىن كەلتىرگەنى انىقتالىپ، ولاردىڭ ۇستىنەن ق ر ق ك 337 بابىنىڭ 1 -ءبولىمى بويىنشا قىلمىستىق ءىس قوزعالدى.
اۆتور: اسلان وسپانوۆ
