دەپۋتات قاراقۇسوۆا الداعى ۋاقىتتا سالىقشىلار قالاي جۇمىس ىستەيتىنىن ايتتى
دەپۋتات كومپانيالاردى كولەڭكەدەن شىعارۋ ءۇشىن سالىق جۇيەسىن كۇتىپ تۇرعان وزگەرىستەرگە توقتالدى. ونىڭ پايىمىنشا، وسىعان بايلانىستى زاڭنامادا سالىق تولەۋ ءتيىمدى بولاتىنداي نورمالار ەسكەرىلۋى ءتيىس.
«بىزدە بار بارلىق جۇيەنى رەتكە كەلتىرۋ ءۇشىن سالىقتىق جەڭىلدىكتەر، ارنايى سالىقتىق رەجىمدەر وڭتايلاندىرىلادى. بىرىنشىدەن، بارلىق نورمالار زاڭنامادا ناقتى كورسەتىلۋى ءتيىس. ەكىنشى جاعىنان الىپ قاراعاندا، اكىمشىلەندىرۋ دامىعان 30 ەلدەگى سەكىلدى قالىپتاسۋى قاجەت. سالىق ينسپەكتورى تۇرعىندارعا سالماق تۇسىرمەي، ولاردىڭ سالىق تولەۋىنە كومەكتەسۋى كەرەك. ۇشىنشىدەن، وسى اكىمشىلەندىرۋ كۇردەلى بولماۋى ماڭىزدى. ياعني سالىق تولەۋ ءۇشىن ادامدار بۋما- بۋما قاعازداردى تولتىرۋ راسىمىنەن وتپەۋى ءتيىس جانە وسىعان ارتىق ۋاقىت جۇمساۋدىڭ قاجەتى جوق. وسىدان كەيىن سالىق تولەۋشى رەتىندە ازاماتتىق مىندەتتى ورىنداۋ تيىمدىرەك بولاتىنى انىق»، - دەپ ءتۇسىندىردى قاراقۇسوۆا ورتالىق كوممۋنيكاتسيالار قىزمەتىندەگى بريفينگتە.
دەپۋتات ءوز سوزىندە سالىقتىق جانە بيۋدجەتتىك زاڭنامانىڭ جاڭا ىنتالاندىرۋشى رولىمەن بىرگە، بيرجاعا شىعارۋدى قاجەت ەتەتىن كۆازيمەملەكەتتىك سەكتورعا توقتالدى. بۇل باعىتتاعى شارالار جەكە ينۆەستورلار مەن ازاماتتارعا سەكتوردى دامىتۋعا قاتىسۋعا مۇمكىندىك بەرمەك.
