ەڭ الدىمەن ءۇش مينيسترلىكتىڭ «ەكونوميكاسى» تەكسەرىلەتىن بولدى

استانا. قازاقپارات - ەڭبەك جانە حالىقتى الەۋمەتتىك قورعاۋ، دەنساۋلىق ساقتاۋ مەن ءبىلىم جانە عىلىم مينيسترلىگىنىڭ بيۋدجەتتەرى ەڭ ءبىرىنشى بولىپ تيىمدىلىككە تەكسەرىلەتىن بولدى.

بۇل تۋرالى بۇگىن ۇكىمەت وتىرىسىندا ق ر پرەمەر-ءمينيسترى باقىتجان ساعىنتايەۆ ايتتى، دەپ حابارلايدى قازاقپارات.

«ەلباسى ءوز جولداۋىندا بيۋدجەت شىعىندارىنىڭ تيىمدىلىگىن ارتتىرۋ كەرەك دەپ اتاپ ءوتتى. سوندىقتان، بۇكىل مەملەكەتتىك ورگانداردىڭ بيۋدجەتتىك دامۋىن تالداۋ كەرەك. پرەزيدەنتتىڭ تاپسىرماسىنا ساي، بۇل جۇمىس ەڭبەك جانە حالىقتى الەۋمەتتىك قورعاۋ مينيسترلىگىنەن، دەنساۋلىق ساقتاۋ مينيسترلىگىنەن، ءبىلىم جانە عىلىم مينيسترلىگىنەن باستاۋ كەرەك»، - دەدى ساعىنتايەۆ ۇكىمەت باسشىسى اتاپ وتكەندەي، تالداۋ قورىتىندىسى بويىنشا ءتيىمسىز باعدارلامالار انىقتالىپ، سولاردىڭ قارجىسى قازاقستاندى ءۇشىنشى مودەرنيزاتسيالاۋ باعدارلاماسىنا تارتىلادى. ايتا كەتەيىك، ەڭبەك جانە حالىقتى الەۋمەتتىك قورعاۋ مينيستلىگىن تامارا دۇيسەنوۆا، دەنساۋلىق ساقتاۋ مينيسترلىگىن ەلجان ءبىرتانوۆ، ال، ءبىلىم جانە عىلىم مينيسترلىگىن ەرلان ساعاديەۆ باسقارادى.

اۆتور: كەنجەكەي توقتامۇرات قىزى