ۇستىنە اقشا جابىستىرىپ العان جىگىت مۇقتاج جاندارعا اقشا ۇسىنىپ ءجۇر

استانا. قازاقپارات - جەلىدە ۇستىنە اقشا جابىستىرىپ، مۇقتاج جاندارعا اقشا ۇسىنىپ جۇرگەن ەر جىگىتتىڭ سۋرەتى قىزۋ تالقىعا ءتۇستى.

جومارت جاننىڭ سۋرەتى Instagram-داعى eap_kz پاراقشاسىندا جاريالاندى.

جاس جىگىت ءوزىنىڭ ۇستىنە مىڭ جانە 2 مىڭ تەڭگەلىك بانكنوتتاردى جابىستىرىپ العان جانە ول ۇستاپ جۇرگەن كارتون قاعازىنا: «مۇقتاج بولساڭىز الىڭىز» ، - دەپ جازىپ العان.

جەلى وقىرماندارىنىڭ پىكىرىنە سۇيەنسەك، بۇل - الەۋمەتتىك ەكسپەريمەنت اياسىندا جاسالىپ وتىرعان دۇنيە. وسىعان ۇقساس شارالار كورشىلەس رەسەي، ۋكراينا، شەشەنستان ەلدەرىندە جۇرگىزىلگەن.

جەلى قولدانۋشىلارى جىگىتتىڭ مەيىرىمدىلىگىنە ءتانتى بولدى. الايدا كوپشىلىك ءبىزدىڭ قوعامنىڭ مۇنداي يگىلىككە دايىن ەمەس ەكەنىن، ۇرى- قارىلاردىڭ نەمەسە جاعدايى جاقسى بولا تۇرا اقشا سۇرايتىنداردىڭ كوپ ەكەنىن ايتتى.