اقتوبەدە قاشقىنداردى ۇستايمىن دەگەن كولونيا قىزمەتكەرى كينوداعىداي «تريۋك» جاسادى
وسىلايشا قاشقىنداردى ۇستايمىن دەگەن كولونيا قىزمەتكەرىن ۇسىك شالدى، دەپ حابارلايدى قازاقپارات اگەنتتىگى اقتوبە وبلىسى بويىنشا قىلمىستىق- اتقارۋ جۇيەسى دەپارتامەنتىنە سىلتەمە جاساي وتىرىپ.
«وقيعا اقتوبەنىڭ 41- رازەزى اۋدانىندا ورىن الدى. قىلمىستىق اتقارۋ جۇيەسىنىڭ قىزمەتكەرى ءتۇن جارىمىنا قاراي جەدەل- ىزدەستىرۋ شارالارىنىڭ بارىسىندا كا-168/3 قونىس كولونياسىنان قاشىپ كەتكەن قىلمىسكەرلەر مىنگەن تويوتا كولىگىن بايقاعان. ءبىر اپتا بۇرىن ەكى سوتتالۋشى قالاداعى مەديتسينالىق مەكەمەلەردىڭ بىرىنە بارعاندا ىزدەرىن سۋىتقان»، - دەيدى اقتوبە وبلىسى بويىنشا قلىمستىق اتقارۋ جۇيەسى دەپارتامەنتىنىڭ باسشىسى ەرنات اقىلجانوۆ.
الايدا، تويوتا (مينيۆەن) كولىگىن مىنگەن سوتتالۋشىلار كوزگە تۇسكەندەرىن بايقاپ، تۇرعان جەرىنەن قوزعالا كەتكەن. سول ساتتە ەرلىك تانىتقان نۇرجان جيدەحانوۆ كولىكتىڭ رۋلىنە جابىستى دا جارالانباۋ ءۇشىن كوزدى اشىپ جۇمعانشا، كولىكتىڭ توبەسىنە شىعىپ الادى.
كولىك 10 شاقىرىمداي جەر جۇرگەن سوڭ نۇرجان ءادىلحانوۆ جەرگە قارعىپ تۇسكەن. سول ساتتە اقتوبە وبلىستىق ىشكى ىستەر باسقارماسىنىڭ جول- پاترۋلدى قىزمەتى مەن جەرگىلىكتى پوليتسيا قىزمەتكەرلەرى كولىكتىڭ جولىن جاپقان.
سوتتالۋشىلار سوندا دا قارسىلىق تانىتىپ، اقىرى قولعا ءتۇستى. كولىكتى ءتىنتۋ شارالارىنىڭ بارىسىندا وعى بار قارۋ تابىلعان.
«قىلمىسكەرلەر مىنگەن كولىكتىڭ توبەسىندە وتىرىپ، ولاردى اڭدىعان نۇرجان جيدەحانوۆتىڭ ەكى بەتى، قولى مەن قۇلاعى ءۇسىپ كەتكەن. قازىر ول اۋرۋحانادا»، - دەپ حابارلادى ەرنات اقىلجانوۆ.
اۆتور: كەنجەكەي توقتامۇرات قىزى
