قورعانىس ءمينيسترى ا ق ش ەلشىسىنە «حيۋي» تىكۇشاعى ءۇشىن العىس ايتتى
«كەزدەسۋ بارىسىندا ەكى ەلدىڭ قورعانىس ۆەدومستۆالارى اراسىنداعى ەكىجاقتى اسكەري ىنتىماقتاستىق ماسەلەلەرى تالقىلانىپ، اسكەري كادرلاردى دايارلاۋ اۋقىمىندا ءوزارا ءىس- قيمىل مەن تاجىريبە الماسۋ بولاشاعى، اسكەري وقۋ ورىندارىنىڭ كۋرسانتتار مەن تىڭداۋشىلارىن ءوزارا الماستىرۋ مۇمكىندىكتەرى، سونداي- اق باسقا دا ءبىرقاتار وزەكتى تاقىرىپتار قوزعالدى»، - دەپ حابارلايدى مينيسترلىكتىڭ باسپا ءسوز قىزمەتى.
ەلىمىزدىڭ قورعانىس ۆەدومستۆاسىنىڭ باسشىسى توتەنشە جانە وكىلەتتى ەلشىنى اسكەري- تەحنيكالىق ىنتىماقتاستىق اياسىندا قارۋلى كۇشتەرگە امەريكالىقتار تاراپىنان جەتكىزىلگەن ءتورتىنشى «حيۋي» تىكۇشاعى ءۇشىن العىسىن ءبىلدىردى.
بۇگىنگى كۇنى قازاقستان مەن ا ق ش اسكەري ىنتىماقتاستىعىنىڭ كونتەكستىنە اسكەري- دالالىق مەديتسينانى دامىتۋ مەن جەكە قۇرامدى دايارلاۋ شەڭبەرىندەگى ءوزارا مۇددەلەر كىرەدى. ەكى ەلدىڭ 2018-2022 -جىلدارعا ارنالعان جاڭا بەس جىلدىق جوسپارىنىڭ جوباسىندا ەكىجاقتى اسكەري ىنتىماقتاستىقتىڭ كەلەشەكتەگى ماسەلەلەرى قامتىلادى.
