ترامپتىڭ جارلىعىن ورىنداۋدان باس تارتقان ا ق ش ادىلەت ءمينيسترى جۇمىستان بوساتىلدى

استانا. قازاقپارات - ا ق ش پرەزيدەنتى دونالد ترامپ ءوزىنىڭ كوشى- قون جايلى جارلىعىن ورىنداۋدان باس تارتقان باس پروكۋرور مىندەتىن اتقارۋشى - ادىلەت مينيسترلىگىنىڭ باسشىسى ساللي يەيتستى قىزمەتىنەن بوساتتى،

  دەپ حابارلادى اق ءۇي.

مينيسترلىكتى باسقارۋعا ۆيرگينيا شتاتىنىڭ شىعىس وكرۋگىنىڭ ايماقتىق پروكۋرورى دانا بوەنتە تاعايىندالدى، دەپ جازادى رەسەيلىك «ر ي ا نوۆوستي» اگەنتتىگى.

«پروكۋرور مىندەتىن اتقارۋشى ساللي يەيتس قۇراما شتاتتاردى قورعاۋعا باعىتتالعان زاڭدى جارلىقتى ورىنداۋدان باس تارتىپ، ادىلەت مينيسترلىگىن ساتىپ كەتتى»، - دەلىنگەن اق ءۇي مالىمدەمەسىندە.

اق ءۇي يەيتستىڭ باراك وباما اكىمشىلىگىندە جۇمىس ىستەگەنىن ەسكە سالدى.

 ا ق ش باس پروكۋرورى مىندەتىن اتقارۋشى، بۇرىنعى پرەزيدەنت باراك وباما تاعايىنداعان ساللي يەيتس ادىلەت مينيسترلىگىنىڭ زاڭگەرلەرىنە ترامپتىڭ كوشى- قون تۋرالى اتقارۋ جارلىعىن سوتتا قورعاماۋ تۋرالى تاپسىرما بەرگەن.