الماتىدا «اعاجاي التايداي جەر قايدا...» اتتى ءان كەشى وتەدى

استانا. قازاقپارات - بۇگىن، 31 - قاڭتار كۇنى الماتىداعى الاتاۋ ءداستۇرلى ونەر تەاترىندا «اعاجاي التايداي جەر قايدا.. .» اتتى التاي- تارباعاتاي ءوڭىرىنىڭ ءداستۇرلى مۋزىكا كەشى وتەدى.

 ونەر سۇيەر قاۋىم، ءداستۇرلى مۋزىكامىزدى ۇلىقتاپ، التاي مەن تارباعاتاياعى قازاق اۋەندەرىنەن ءنار الىپ قايتىڭىزدار. 28- بۇكىل الەمدىك ۋنيۆەرسيادا قارساڭىندا "الاتاۋ" ءداستۇرلى ونەرى تەاترى اۋماعىندا "الاتاۋ الابىندا" اتتى ەتنو فەستيۆال ءوتىپ جاتىر. بۇگىنگى كەشتە سوعان ورايلاستىرىلىپ وتىر.

30 - قاڭتار مەن 8 - اقپان ارالىعىندا كۇن ۇزاققا جۇمىس ىستەيتىن ەتنوفەستيۆالدا الماتىلىقتار مەن قالا قوناقتارى ءداستۇرلى مۋزىكا كەشتەرىن تاماشالاي الادى. ۇلتتىق اس مازىرىنەن ءدام تاتادى. قولونەر جارمەڭكەسىن ارالايدى. "الاتاۋ" ءداستۇرلى ونەر تەاترى مومىش ۇلى كوشەسى بويىندا، وليمپيييسكايا دەريەۆنيانىڭ جانىندا. باستالۋى: 17:00.

 

فەستيۆال باعدارلاماسى

http://qazaqtimes.kz/