موڭعوليا قازاقستاندا جاسالعان پويىزداردى الاتىن بولدى
موڭعوليا كولىك جانە جولدى دامىتۋ ءمينيسترى دانگاا گانباتپەن بولعان كەزدەسۋدە «ق ت ج» ۇ ك» ا ق پرەزيدەنتى قازاقستاننىڭ كولىك- لوگيستيكالىق كەشەنى سالاسىن دامىتۋداعى جەتىستىكتەرى مەن حالىقارالىق كولىك جەلىسىنە كىرۋ ماقساتىنداعى ترانزيتتىك الەۋەتى تۋرالى باياندادى.
ق. الپىسبايەۆ كومپانيا جۇزەگە اسىرىپ جاتقان ءىرى ينفراقۇرىلىمدىق جانە تەمىر جول كولىگى سالاسىن دامىتۋ جوبالارى تۋرالى اڭگىمەلەپ، قازاقستاندىق تاراپتىڭ مونعول تەمىر جولىمەن سەرىكتەستىكتى دامىتۋعا مۇددەلى ەكەندىگىن جەتكىزدى.
«ۇلانباتىر تەمىر جولى» ا ق باستىعى دامدينسۋرەن جيگجيدنياماامەن كەزدەسۋدە قازاقستاندىق تاراپتىڭ ماگيسترالدىق تەپلوۆوزدار، جۇك ۆاگوندارى، رەلستەر، باعىتتاۋىش بۇرمالارى جانە باسقا دا تەمىر جول ونىمدەرىن موڭعولياعا جەتكىزۋ جايى قاراستىرىلدى.
كەزدەسۋ سوڭىندا «قازاقستان تەمىر جولى» ۇ ك» ا ق مەن «ۇلانباتىر تەمىر جولى» ا ق اراسىندا تەمىرجول كولىگى ماشيناسىن جاساۋ سالاسىنداعى سەرىكتەستىكتى دامىتۋ بويىنشا مەموراندۋمعا قول قويىلدى.
