10:40, 31 - قاڭتار 2017 | GMT +5
گەرمانيادا ترامپتىڭ «مەرسەدەسى» ساتىلىپ جاتىر
استانا. قازاقپارات - گەرمانيانىڭ ۆاگحويزەل قالاسىنداعى dpa اگەنتتىگى ا ق ش پرەزيدەنتىنە تيەسىلى بولعان كولىكتى ساۋداعا شىعاردى، دەپ حابارلايدى dw.com.
ماشينانىڭ قۇجاتتارىنا قاراساق 1987 -جىلى شىققان قىزىل ءتۇستى «مەرسەدەس» 560SL يۆانا مەن دونالد ترامپقا تيەسىلى بولعان. يۆانا ترامپ كۇيەۋىمەن اجىراسقان سوڭ وزىنە تيگەن كابريولەتتى فلوريداداعى ۆيللاعا قوسىپ ساتىپ جىبەرگەن.
كولىك گەرمانياعا ءۇش جىل بۇرىن يتاليادان جەتكىزىلگەن. ەسكى مۇلىكتەردى ساتىپ الۋشى نەمىس ساۋداگەرى وعان 40 مىڭ ەۋرو تولەگەن، ول قازىرگى ساۋدادان ەكى ەسە ارتىق پايدا تابۋدى كوزدەپ وتىر.
ماشينانىڭ ساتىلىمعا قايدا جانە قالاي شىعارىلاتىنى جونىندە بىرنەشە كۇن ىشىندە بەلگىلى بولادى.
