ترامپ: يمميگراتسيالىق ەرەجەلەر - مۇسىلماندارعا تىيىم سالۋ ەمەس
ترامپ ا ق ش الداعى ءۇش ايدا يمميگراتسيالىق باقىلاۋ شارالارى ورناتىلعان سوڭ جەتى ەل ازاماتتارىنا قايتادان ۆيزا بەرە باستايتىنىن مالىمدەدى. ترامپ مالىمدەمەنى جاڭا ەرەجەگە ەلدىڭ بىرنەشە قالاسى مەن باسقا دا ەلدەردە نارازىلىق شارالارى باستالعان سوڭ جاساپ وتىر. نارازىلاردى ءبىرقاتار امەريكالىق كونگرەسمەندەر دە قولدايدى.
«اقش يمميگرانتتارى باسىم ەل سانالادى جانە قىسىمشىلىقتان باس ساۋعالاعاندارعا ءبىزدىڭ ءالى دە جانىمىز اشيدى. ءبىراق ءبىز ءوزىمىزدىڭ ازاماتتارىمىز بەن شەكارامىزدى دا قورعايمىز. امەريكا قاشان دا ازات ءارى باتىل ادامداردىڭ وتانى بولعان» دەدى ترامپ مالىمدەمەسىندە.
ترامپتىڭ سوزىنشە، ەنگىزىلگەن شارالار «ب ا ق- تا ءتۇسىنىدىرىلىپ جاتقانداي، مۇسىلماندارعا تىيىم سالۋ ەمەس». پرەزيدەنت سونىمەن قاتار شارالاردىڭ دىنگە قاتىسى جوق جانە ول ەلدىڭ قاۋىپسىزدىگىن قامتاماسىز ەتۋگە ارنالعان. ترامپ تىيىمنىڭ 40 تان استام مۇسىلمان ەلىنە ەنگىزىلمەگەنىن دە ايتتى.
اق ءۇي اپپاراتىنىڭ باسشىسى راينس پريبۋس يمميگراتسيالىق شەكتەۋلەردى قورعاپ، 28 - قاڭتاردا مىڭداعان ادام دەمونستراتسياعا شىققان ا ق ش اۋەجايلارىندا «بەي- بەرەكەتسىزدىك» ورناعانى تۋرالى ايتىلعانداردى جوققا شىعاردى.
«ازاتتىق»
