ترامپ پەن پۋتين تەلەفونمەن سويلەستى

استانا. قازاقپارات - ا ق ش پرەزيدەنتى دونالد ترامپ پەن رەسەي پرەزيدەنتى ۆلاديمير پۋتين سەنبى كۇنى تەلەفون ارقىلى اڭگىمە وتكىزدى. بۇل ترامپتىڭ قىزمەتىنە رەسمي كىرىسكەلى بەرى العاش رەت پۋتينمەن سويلەسۋى.

اق ءۇي تاراتقان مالىمدەمەدە ەكى باسشىنىڭ 40 مينۋتقا جۋىق ۋاقىتقا سوزىلعان «ءپوزيتيۆتى» اڭگىمە «قۇراما شتاتتار مەن رەسەي اراسىنداعى جاقسارتۋدى قاجەت ەتەتىن قارىم- قاتىناستاردىڭ ماڭىزدى باستاۋى» ەكەنى ايتىلعان.

«پرەزيدەنت ترامپ تا، پرەزيدەنت پۋتين دە بۇگىنگى اڭگىمەدەن كەيىن ەكى تاراپ تەرروريزممەن كۇرەس جانە ءوزارا مۇددەلىلىك تانىتىپ وتىرعان كۇن تارتىبىندەگى باسقا دا ماسەلەلەر بويىنشا جىلدام ىلگەرىلەيتىن بولادى دەپ ۇمىتتەنەدى» دەلىنگەن اق ءۇي مالىمدەمەسىندە.

رەسەي پرەزيدەنتىنىڭ باسپا ءسوز قىزمەتى تەلەفون اڭگىمەسى بارىسىندا ەكى ەلدىڭ باسشىلارى «يسلام مەملەكەتى» تەررورلىق توبى مەن سيرياداعى وعان ۇقساس وزگە دە ۇيىمداردى جويۋ ماقساتىندا ا ق ش پەن رەسەيدىڭ ءىس- ارەكەتتەرىن شىنايى تۇردە ۇيلەستىرۋدى جولعا قويۋدى» قۇپتايتىندارىن ءبىلدىردى دەپ حابارلادى. سونىمەن بىرگە، پۋتين مەن ترامپ اڭگىمە بارىسىندا حالىقارالىق تاقىرىپتاعى وزگە دە ماسەلەلەردى، سونىڭ ىشىندە «تاياۋ شىعىستاعى احۋال، يراننىڭ يادرولىق باعدارلاماسى مەن كورەيا تۇبەگىنە قاتىستى جاعداي، ۋكراينا داعدارىسىنىڭ نەگىزگى اسپەكتىلەرىن» تالقىلادى دەيدى رەسەي تارابى. كرەملدىڭ حابارلاۋىنشا، ۆلاديمير پۋتين مەن دونالد ترامپ ەكەۋارا كەزدەسۋگە دايىندىقتى باستاۋ تۋرالى كەلىسكەن.

رەسەي پرەزيدەنتىنىڭ باسپا ءسوز حاتشىسى دميتري پەسكوۆتىڭ سوزىنشە، پۋتين مەن ترامپتىڭ اڭگىمەسىندە رەسەيگە سالىنعان سانكسيا ماسەلەسى قوزعالماعان.

ا ق ش پرەزيدەنتىنىڭ باسپا ءسوز حاتشىسى شون سپايسەردىڭ ايتۋىنشا، ترامپ پۋتينمەن سويلەسپەس بۇرىن گەرمانيا كانسلەرى انگەلا مەركەلمەن تەلەفون ارقىلى اڭگىمەلەسكەن.

 «ازاتتىق» جاڭالىقتارى

 http://www.azattyq.org/a/28265550.html