قازاقستان بەنزين يمپورتىنان قۇتىلۋعا تىرىسۋدا
بۇل تۋرالى finprom.kz مالىمەتىندە ايتىلعان، دەپ حابارلايدى قازاقپارات.
يمپورتتىڭ قىسقارۋىنا موتور جانە ديزەل وتىنىن ءوندىرۋ كولەمىنىڭ ارتۋى ىقپال ەتتى. 2016 -جىلدىڭ 11 ايىندا قازاقستاننىڭ مۇناي وڭدەيتىن كاسىپورىندارى 7 ميلليون تونناعا جۋىق ءونىم شىعاردى. بۇل كورسەتكىش ءبىر جىل بۇرىنعىدان 130 مىڭ تونناعا ارتىق.
دەگەنمەن قازاقستاندىق تۇتىنۋشىلار اۆتوموبيل وتىنىنىڭ تاپشىلىعىن سەزىنۋدە. 2016 -جىلدىڭ قاڭتار- قاراشاسىندا ىشكى نارىققا 8,3 ميلليون توننا وتىن جىبەرىلدى. بۇل كورسەتكىش 2015 -جىلعا قاراعاندا ارتىقتاۋ، ءبىراق تا 2013 جانە 2014 -جىلدارمەن سالىستىرعاندا ازداۋ.
جانار- جاعارمايعا دەگەن سۇرانىس قازاقستاندا اۆتوكولىكتەر سانىنىڭ ارتۋى تۇرعىسىندا ءوستى. 2016 - جىلى بولشەك نارىقتا ديزەل وتىنىنىڭ قۇنى 33 پايىزعا، ال اي-92 ماركالى بەنزين باعاسى 8 پايىزعا جوعارىلادى.
ەستەرىڭىزگە سالا كەتەيىك، 2015 - جىلى كۇزدە ەلىمىزدە اي-92 ماركالى بەنزينىنە مەملەكەتتىك رەتتەۋدى دوعارۋ تۋرالى شەشىم قابىلدانعان بولاتىن.
اۆتور: رۋسلان عابباسوۆ
