ب ت ا بانكى باسشىسىنىڭ ورىنباسارى شەتەلگە نە ءۇشىن قاشىپ كەتكەنىن ايتىپ بەردى
سول سەبەپتى جارىمبەتوۆ بىردەن بوي تاسالاپ كەتتى. ال ءابىليازوۆ ءۇشىن ونىڭ ەلگە ورالعانى ءتيىمسىز بولدى، دەپ حابارلايدى قازاقپارات ءتىلشىسى.
«شىنىمدى ايتسام، مەن ءوزىم قاتتى قورىقتىم. بۇل جاقتا تەرگەۋگە تۇسكەن ادامدى قينايدى، زورلىق- زومبىلىق كورسەتەدى، ءتىپتى ولتىرەدى دەپ ايتقاننان كەيىن كەز كەلگەن ادام ۇرەيلەنەدى. ارينە، ءابىليازوۆتىڭ ءوزى شوقتى كوسەپ وتىردى. وعان مەنىڭ وسى جاققا كەلگەنىم ءتيىمسىز بولدى دەپ ويلايمىن. ءيا، سول كەزدە قورقىنىش بولدى. مەن وتباسىم ءۇشىن، بالالارىم ءۇشىن الاڭدادىم»، - دەيدى جارىمبەتوۆ.
ونىڭ ايتۋىنشا، باس كەزىندە ول ۇلى بريتانيادا بوي تاسالاپ ءجۇردى. ودان كەيىن ەۋروپانى كەزىپ، تۇركياعا باردى. اقشا جاعىنان ءابىليازوۆتىڭ نەمەسە ونىڭ ادامدارى كومەكتەستى. وعان قوسا، جارىمبەتوۆتىڭ ءوز جيناقتارى بولعان.
بۇگىندە «ب ت ا بانكى» اق باسقارما باسشىسىنىڭ بۇرىنعى ورىنباسارى ءوز كىناسىن مويىنداپ وتىر. الايدا ول قىلمىستى قاساقانا جاسادىم دەپ سانامايدى. سەبەبى سول كەزدە باسشىلىقتىڭ بۇيرىعىن ورىنداۋعا تۋرا كەلدى.
«كەز كەلگەن ىستە نۇكتە قويعان دۇرىس قوي. ونسىز باسقا ادامدار قينالىپ جۇرە بەرەدى. بۇعان دەيىن بەيمالىم بولىپ كەلگەن دەتالداردى اشۋ قاجەت. اشىعىن ايتايىن، قازىرگى كەزدە مەن تەرگەۋگە كومەك بەرۋگە كەلىستىم. وسىنىڭ ارقاسىندا مەنىڭ دە، بۇعان دەيىن سوتتالعان ازاماتتاردىڭ دا، شەتەلدە ءالى كۇنگە دەيىن قاشىپ جۇرگەندەردىڭ جازاسىن جەڭىلدەتۋگە ءوز سەپتىگىن تيگىزەدى دەپ سەنەمىن»، - دەپ اتاپ كورسەتتى جارىمبەتوۆ.
ايتا كەتەيىك، بۇگىن جارىمبەتوۆ ارنايى باسپا ءسوز ءماسليحاتىن وتكىزىپ، وزىنە قاتىستى تارالىپ جاتقان الىپ- قاشپا اڭگىمەلەردى جوققا شىعاردى. ونىڭ سوزىنە قاراعاندا، قاڭتاردىڭ 17- كۇنى تۇركيانىڭ شەكارا قىزمەتى ونى جالعان ءتولقۇجاتپەن جۇرگەنى ءۇشىن ۇستاعان بولاتىن.
«پوليتسيا ۋچاسكەسىندە وتىرعاندا مەن ءوزىمنىڭ شىن اتى- ءجونىمدى ايتتىم. سوسىن ىستامبۋلداعى قازاقستاننىڭ رەسمي وكىلدىلىگىنە حابارلاسۋدى ءوتىندىم. ءسويتىپ، قاڭتاردىڭ 20- كۇنى مەنى قازاقستانعا ەكستراديتسيالادى. ەرتەسىندە مەنى تەرگەۋ اباقتىسىنا قامادى. وسى ۋاقىتقا دەيىن سوندا بولدىم. ماعان ەشقانداي زورلىق- زومبىلىق پەن قىسىمنىڭ جاسالماعانىن مالىمدەگىم كەلىپ وتىر»، - دەيدى ول.
ونىڭ سوزىنە قاراعاندا، ول ءالى كۇنگە دەيىن «ب ت ا بانك» ءىسى بويىنشا كۇدىكتى بولىپ سانالادى.
«ارينە، كەيبىر ادامدار، ولاردىڭ ىشىندە ءابىلازوۆ تا بار، وسىنى ءوز مۇددەسى ءۇشىن پايدالانعىسى كەلىپ وتىر. بۇقارالىق اقپارات قۇرالدارىنا جالعان مالىمەتتەردى سالىپ جاتىر. مەن تاعى دا ايتامىن، بۇل جەردە ساياساتتىڭ ەشبىر قاتىسى جوق. تەرگەۋ اباقتىسىندا وتىرىپ، ماعان ەشقانداي قىسىم جاسالمادى. مەن تۋعان- تۋىستارىممەن ەمىن- ەركىن كەزدەسىپ ءجۇردىم. قازىر ماعان قاتىستى ەشقايدا شىقپاۋ تۋرالى شارا قولدانىلىپ، قولحات الىندى. جاقىن ارادا وتباسىممەن قاۋىشامىن. شىنىمدى ايتسام، وسى قادامعا بۇرىن بارۋ كەرەك ەدى»، - دەپ اتاپ كورسەتتى جارىمبەتوۆ.
ونىڭ قورعاۋشىسى وزتەمىروۆ اتالعان ىسكە قاتىستى سوت ءوندىرىسىنىڭ الماتى قالاسىندا وتەتەتىنىنە سەنىم ءبىلدىرىپ وتىر. سەبەبى اتالعان قىلمىستىق ءىس سول جەردە قوزعالعان بولاتىن.
اۆتور: ارمان اسقاروۆ
