قارين باسقاراتىن ينستيتۋت وزىق اناليتيكالىق ورتالىقتاردىڭ قاتارىنا قوسىلدى
دەپ حابارلايدى قازاقپارات.
بۇل تۋرالى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين فەيسبۋك الەۋمەتتىك جەلىسىندە جازدى.
«قازاقستاننىڭ ستراتەگيالىق زەرتتەۋلەر ينستيتۋتى الەمدەگى ەڭ ۇزدىك اناليتيكالىق ورتالىقتاردىڭ قاتارىنا قوسىلىپ، «قاۋىپسىزدىك پەن قورعانىس» كاتەگورياسىندا ءوز پوزيتسياسىن جاقسارتتى. اناليتيكالىق ورتالىقتاردىڭ بۇكىلالەمدىك يندەكس- رەيتينگىسىنىڭ 2016 -جىلعى قورىتىندىسى بويىنشا، قر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ورتالىعى الەمنىڭ 6 مىڭنان اسا اناليتيكالىق ينستيتۋتتارى مەن ورتالىقتارىنىڭ اراسىندا تۇڭعىش رەت توپ-150 ورتالىقتىڭ قاتارىنا قوسىلدى. بۇرىن ينستيتۋت جاھاندىق رەيتينگتە تەك جەكەلەگەن كاتەگوريالار مەن باعىتتار بويىنشا ورىن الىپ جۇرگەن»، - دەپ جازدى ە. قارين.
اناليتيكالىق ورتالىقتارىنىڭ بۇكىلالەمدىك رەيتينگىسىن پەنسيلۆانيا ۋنيۆەرسيتەتىنىڭ «اناليتيكالىق ورتالىقتار مەن ازاماتتىق قاۋىمداستىق» اتتى زەرتتەۋ باعدارلاماسى جۇرگىزەدى.
اۆتور: كەنجەكەي توقتامۇرات قىزى
