ۋنيۆەرسيادا كەزىندە سپورتتىڭ قاي ءتۇرىن تاماشالاعان ءتيىمدى؟

استانا. قازاقپارات - بۇل سۇراققا بەلگىلى سپورت جۋرناليسى، حالىقارالىق سپورت جۋرناليستەرى قاۋىمداستىعى مەن حالىقارالىق وليمپيادا كوميتەتىنىڭ جاس رەپورتەرى رۋسلان مەدەلبەك جاۋاپ بەرەدى.

- ءبىرىنشىسى، مانەرلەپ سىرعاناۋ. 1-4 -اقپان اراسىندا «الماتى ارەنادا» وتەدى. 1-2 -اقپاندا - قىزدار، 3-4 -اقپاندا ەرلەر جارىسقا شىعادى. ەرلەر اراسىنداعى جارىستا دەنيس تەن بار ەكەنىن ەسكەرتە كەتەيىن.

ەكىنشىسى، شورت-ترەك. ءىش پىستىرمايتىن ءارى ينتريگاعا تولى سپورت. قازاقستان شورت- ترەك بويىنشا - فاۆوريت. ويىن 5-7 -اقپاندا وتەدى.

ءۇشىنشىسى، «شلابراسى بار» كەرلينگتى كورۋگە دە ۋاقىت تاپقان دۇرىس. ءوز ينتريگاسى بار جانە ەرەجەسى ەرەكشە.

ءتورتىنشىسى، حوككەي، فريستايل جانە ترامپليننەن سەكىرۋ. حوككەي زالدا بولادى جانە قازاقستان باستى فاۆوريت ءارى بيلەتتەرى دە ارزان، 300-500 تەڭگە. فريستايلدا شاڭعىشىلاردىڭ سالتو اينالعانىن انىق كورۋگە بولادى. ترامپلينمەن سەكىرۋدە باستىسى جارىستى قاراپ، ءتۇسىنىپ وتىرۋعا ىڭعايلى. 28 -قاڭتاردا حوككەيدەن قازاقستان مەن قىتاي وينايدى، - دەيدى رۋسلان مەدەلبەك.

ايتپاقشى، رۋسلاننىڭ ۋنيۆەرسيادا ويىندارىن تاماشالاۋشىلارعا ارنالعان ءبىر ەسكەرتۋى بار. «بياتلون، شاڭعى، فريستايلگە بارساڭىز كۇننەن قورعايتىن كوزىلدىرىك الا سالىڭىز. تاۋداعى كۇن كوزىڭىزگە تۇسسە، اشا الماي قالاسىز» دەيدى ارىپتەسىمىز.