قىتاي ساراپشىلارى: قازاقستاننىڭ يسلام الەمىندەگى ىقپالى جوعارىلادى
ەڭ باستىسى، وسى جولى كەلىسسوزدەر ۇستەلىنە سيرياداعى ءتۇرلى ساياسي كۇشتەردىڭ وكىلدەرى جينالدى. بۇعان دەيىن ولار وسىنداي بەيبىت كەڭەستەردە كەزدەسپەگەن بولاتىن. بۇل ءوز كەزەگىندە سيرياداعى احۋالدى رەتتەۋگە وڭتايلى ىقپال ەتەتىنى ءسوزسىز»، - دەدى قىتاي قوعامدىق عىلىمدار اكادەمياسى رەسەي، شىعىس ەۋروپا جانە ورتالىق ازيا ينستيتۋتىنىڭ پروفەسسورى جاۋ حۋيجۋن.
ونىڭ سوزىنە قاراعاندا، قازاقستان كەزەكتى رەت ءوزىنىڭ الەمدىك ىستەردەگى بەلسەندى ءرولىن كورسەتتى. سونىمەن قاتار بۇل باعىتتا نۇرسۇلتان نازاربايەۆتىڭ بىتىمگە كەلتىرۋدەگى تاجىريبەسى مەن جالپى حالىقارالىق شيەلەنىستەردى شەشۋدەگى قازاقستاندىق ديپلوماتيانىڭ قاجەتتىلىگى ايقىن بايقالدى.
قىتاي ورتالىق ۇلتتارى ۋنيۆەرسيتەتى جانىنداعى ەتنولوگيالىق زەرتتەۋلەر ينستيتۋتىنىڭ پروفەسسورى، فيلوسوفيا دوكتورى ۋ چۋكە «قازاقپارات» تىلشىسىنە بەرگەن سۇحباتىندا استانادا سيريا ماسەلەسى بويىنشا وتكەن كەلىسسوزدەر قازاقستاننىڭ حالىقارالىق ساحناداعى بەدەلىن كوتەرە تۇسكەنىن اتاپ ءوتتى.
«ءبىرىنشى كەزەكتە قازاقستاننىڭ يسلام الەمىندەگى ىقپالى جوعارىلادى. قازاقستاننىڭ شەكاراسىمەن شەكتەس جانە سەرىكتەس ەلدەر ءۇشىن بۇل باعىتتاعى باستامالار ۇلكەن ماڭىزعا يە. وسى رەتتە ەلدەرىڭىزبەن سەرىكتەستىكتى نىعايتۋدا قىزىعۋشىلىق ارتا تۇسەدى»، - دەدى ول. اۆتور: رۋسلان عابباسوۆ
