مايدانعا سەمەيدەن اتتانعان سولداتتىڭ سۇيەگى ەستونيادان تابىلدى - فوتو
«2016 -جىلدىڭ 22 -ساۋىرىندە يدا- ۆيرۋماا ۋەزىنىڭ سيرگالا اتتى كەنتىندە قازبا جۇمىستارى جۇرگىزىلىپ، 1944 -جىلى ەستونيانى نەمىستەردەن ازات ەتكەن كەزدە قازا تاپقان، كەۋدەسىندە 811663-ءنومىرلى «ەرلىگى ءۇشىن» مەدالى بار قىزىل اسكەر سولداتىنىڭ سۇيەگى تابىلدى. رەسەي فەدەراتسياسىنىڭ قورعانىس مينيسترلىگىنە قاراستى ورتالىق مۇراعاتتان كەلگەن جاۋاپتا مەدال 1912 -جىلى تۋعان، قازاق س س ر سەمەي قالاسىنىڭ وكتيابر اسكەري كوميتەتىنىڭ بۇيرىعىمەن 1941 -جىلى 23 -تامىزدا سوعىسقا شاقىرىلعان 124- اتقىشتار ديۆيزياسىنىڭ قاتارداعى اسكەرى سوروكين نيكولاي فەدوروۆيچقا تيەسىلى ەكەنى ايتىلعان»، - دەپ حابارلادى ق ر قارۋلى كۇشتەرىنىڭ ۇلتتىق اسكەري- پاتريوتتىق ورتالىعىنىڭ باسپا ءسوز قىزمەتى.
سوعىستا قازا تاپقان جاۋىنگەردىڭ سۇيەگى 14 -اقپان كۇنى استاناعا جەتكىزىلەدى. نيكولاي سوروكيننىڭ بۇكىل اسكەري اتاعى قايتارىلعان سوڭ، ول تۋعان جەرى سەمەيدە جەرلەنەدى.
اۆتور: كەنجەكەي توقتامۇرات قىزى
