بايان ەسەنتايەۆانىڭ سۇيىكتىسى ەرلەر قاۋىمىنا رەنىشىن ءبىلدىردى
ءبىر كۇننىڭ ىشىندە ونىڭ وقىرماندارى ەسەلەنىپ كوبەيدى. بۇگىندە ونىڭ جازباسىن 50 مىڭنان اسا ادام وقيدى.
بۇل تۋرالى Stan.kz حابارلايدى.
بۇل رەتتە كاسىپكەر وزىنە قىزىعۋشىلىق تانىتقان جەلىدەگى وقىرماندارىنا العىس ايتتى. سونداي- اق، وزىنە كەلىپ تۇسكەن ساۋالدار جايىن ءسوز ەتتى.
الاگوزوۆ وزىنەن كومەك سۇراعان جانداردىڭ كوپ بولعانىن اتاپ ءوتتى. ايتۋىنشا، ولاردىڭ باسىم بولىگى بالالارى ءۇشىن اقشا سۇراعان ايەلدەر ەكەن. بۇل رەتتە كاسىپكەر بار جۇكتى نازىك جاندىلاردىڭ موينىنا ارتقان ەرلەردى سىناپ تاستادى.
«از عانا ۋاقىتتىڭ ىشىندە ماعان 50 گە جۋىق حات كەلىپ ءتۇستى. بىرەۋ ءدارى-دارمەككە، ەندى بىرەۋ مۇگەدەكتەر ارباسىنا، كەلەسىسى بالاسىنا وتا جاساتۋ ءۇشىن اقشا سۇرادى. قاراپ وتىرسام، ولاردىڭ تۇگەلى دەرلىك بالالارى ءۇشىن اقشا سۇراعان ايەلدەر. ماعان بۇل ەرسى كورىندى. نەگە بالانىڭ جان قينالىسى تەك ايەلدەردى مازالايدى؟ ولاردىڭ اكەلەرى قايدا؟ ولار ءوز بالالارىنان ۇيالا ما، الدە بار جۇكتى ايەلدەرگە ارتقان با؟ ەر ادامداردىڭ الەۋمەتتىك، ازاماتتىق جاۋاپكەرشىلىگى قايدا؟ ءبىزدىڭ قوعامدا بالالار جايى نەلىكتەن تەك ايەلدەردى تولعاندىرادى، وسى جايىندا بىرگە ويلانىپ كورەيىكشى. وسى سۇراقتى وزىمە دە قويامىن. ال ءسىز نە ويلايسىز؟» - دەپ جازادى تۇرسىنعالي الاگوزوۆ.
كاسىپكەردىڭ اتالعان جازباسى جەلىدە قىزۋ تالقىعا ءتۇستى.
كەيبىرەۋلەر بالاسى ءۇشىن انانىڭ كوبىرەك الاڭدايتىنىن، بۇل رەتتە ەرلەردىڭ جاۋاپكەرشىلىكتەن جۇرداي ەكەندەرىن ايتقان. ەندىگىلەر بالانىڭ انا ءۇشىن دە، اكە ءۇشىن دە ورنى بولەك ەكەنىن، تەك الەۋمەتتىك جەلىدە كوبىنەسە ايەلدەر وتىرعاندىقتان كومەكتى دە سولار سۇرايتىنىن جەتكىزگەن. كەز-كەلگەن نارسەنىڭ تاربيەدەن باستاۋ الاتىنىن، بۇل رەتتە ەر ادامدى دۇرىس تاربيەلەمەگەن اتا-اناسى كىنالى ەكەنىن ايتقاندار دا كوپ بولعان. العاشقى وتباسىنان اجىراسقان كاسىپكەردى كىنالاي جونەلگەندەر دە تابىلدى. ولاردىڭ ايتۋلارىنشا، كوپتەگەن ەر ازاماتتار ەكىنشى ايەلمەن كوڭىل قوسىپ، اكەلىك مىندەتتەرىنە سەلقوس قارايدى.
