تاراز مەكتەپتەرىندە ۇيالى تەلەفوندى قولدانۋعا تىيىم سالىندى

تاراز. قازاقپارات - تاراز قالاسىنىڭ پروكۋراتۋراسى مەكتەپ قابىرعاسىندا ۇيالى تەلەفونداردى پايدالانۋعا تىيىم سالدى، دەپ حابارلايدى «قازاقپارات» ح ا ا ءتىلشىسى.

«گادجەتتەردى پايدالانۋعا سالىنعان تىيىم ۇيالى تەلەفونداردىڭ ۇرلىعىن بولدىرماۋمەن بايلانىستى شارالاردىڭ ءبىرى رەتىندە قولعا الىندى»، - دەپ ناقتىلادى قالا پروكۋرورى بەكزات سەيىلحان. جامبىل وبلىستىق ءى ءى د- نىڭ جەرگىلىكتى پوليتسياسىنىڭ مالىمەتىنشە، وڭىردەگى قىلمىستاردىڭ رەيتينگىندە ۇيالى تەلەفونداردىڭ ۇرلىعى ءبىرىنشى ورىندا تۇر.

وتكەن 2016 -جىلى پوليتسيا قىزمەتكەرلەرى ۇيالى تەلەفونداردىڭ ۇرلىعىمەن اينالىسىپ كەلگەن 12 ۇيىمداسقان قىلمىستىق توپتىڭ جولىن كەستى. «پروفيلاكتيكالىق جۇمىستىڭ باسەڭدەۋى كامەلەتكە تولماعاندار اراسىنداعى قىلمىستىڭ ارتۋىنا الىپ كەلدى. بۇگىندە تارازدا كامەلەتكە تولماعاندارمەن 28 موبيلدى توپ جۇمىس ىستەيدى. وقۋشىلار اراسىندا ساۋالناما وتكىزىلدى، مەكتەپتەر ۋچاسكەلىك ينسپەكتورلارمەن جانە بەينەكامەرالارمەن قامتاماسىز ەتىلدى. مەكتەپتەردە گادجەتتەردىڭ قولدانىلۋىنا تىيىم سالىندى»، - دەدى ب. سەيىلحان.

بۇل رەتتە، جاڭاشىلدىققا قارسىلىق بىلدىرگەن اتا-انالار ءتۇرلى ينستانسيالارعا شاعىمدارىن تۇسىرە باستادى.