قازاقستاننىڭ مەملەكەتتىك جۇيەسى زاماناۋي سىن-قاتەرگە بەيىمدەلۋدە - رەسەيلىك ساراپشى
مۇنداي پىكىردى قازاقپاراتتىڭ ماسكەۋدەگى ارناۋلى ءتىلشىسى مەدەت احمەتوۆكە م م ۋ جانىنداعى پوستكەڭەستىك كەڭىستىكتەگى قوعامدىق- ساياسي پروتسەستەردى زەردەلەۋ جونىندەگى اقپاراتتىق- ساراپتامالىق ورتالىقتىڭ باس ديرەكتورى سەرگەي رەكەدا ءبىلدىردى.
«رەفورمانىڭ ەۆوليۋتسيالىق بولۋى ماڭىزدى. وزگەرىستەردى بىرتىندەپ جۇرگىزۋ قاجەت»، - دەدى ول قازاقستان پرەزيدەنتىنىڭ ءوز وكىلەتتىكتەرىن ۇكىمەت پەن پارلامەنت اراسىندا قايتا ءبولۋ جونىندەگى ۇندەۋىنە وراي. سونىمەن قاتار ول جۇيەگە رەفورما جۇرگىزبەسە جانە مەملەكەت قاجەتتىلىگىنە وراي بەيىمدەلىنبەسە، وندا وزگەرىستەر ءسال قيىندىقتار ارقىلى جۇرگىزىلۋى ىقيمال ەكەندىگىن ەسكەرتتى.
«رەفورمالاۋ قارقىنى وتە دۇرىس تاڭداپ الىنعان دەپ ويلايمىن. سەبەبى، تۇسىنگەنىمشە، بۇل سوڭعى باستاما ەكەن ءارى جاڭا قۇرامداستارمەن تولىعا تۇسەتىن سياقتى»، - دەدى رەكەدا. رەسەيلىك ساراپشى ەلىمىزدىڭ قاتارداعى ازاماتتارى ءۇشىن وڭ ناتيجەلەر رەتىندە قازاقستاندىقتاردىڭ رەسپۋبليكاداعى احۋال مەن ساياسي جۇيەگە ىقپال ەتەتىن بيلىككە باقىلاۋ جۇرگىزۋ مۇمكىندىگىن الادى. «ادەتتە مەملەكەتتىك جۇيەدەگى وزگەرىستەر جاڭا كوشباسشىنىڭ كەلۋىمەن بايلانىستى بولادى. الايدا بۇل رەتتە قازاقستاندىق تاجىريبە جاقسى كورسەتكىش. پرەزيدەنت نازاربايەۆ وكىلەتتىكتەردىڭ ءبىر بولىگىنەن الىپ، بيلىكتىڭ باسقا تارماقتارى اراسىندا قايتا ءبولۋ قاجەتتىگىن ساياسي تۇرعىدا بايقاپ وتىر»، - دەدى ول.
اۆتور: مارلان جيەمباي
