قىتاي حايۋاناتتار باعىندا جولبارىس ەر ادامدى تالاپ تاستادى

استانا. قازاقپارات - قىتايدىڭ نينبو حايۋاناتتار باعىندا كەلۋشىلەردىڭ ءبىرى جولبارىستىڭ شابۋىلىنان كەيىن كوز جۇمدى، دەپ حابارلايدى قازاقپارات The Global Times-قا سىلتەمە جاساپ.

وقيعاعا كۋا بولعانداردىڭ ايتۋىنشا، ەر ادام ارنايى قورشاۋ مەن سۋعا تولى شۇڭقىردان ءوتىپ، جولبارىستار ورنالاسقان توردىڭ ىشىنە كىرگەن. بۇل ۋاقىتتا حايۋاناتتار باعىنىڭ قىزمەتكەرلەرى جانۋارلاردى تاماقتاندىرىپ جاتقان، دەپ جازادى «رەسەي گازەتى».

جىرتقىش اڭدى ەر ادامنىڭ جانىنان فەيەرۆەركتىڭ كومەگىمەن قۋىپ جىبەرۋ ارەكەتىنەن تۇك شىقپاعان سوڭ، جولبارىس اتىپ ءولتىرىلدى.