ك س ر و- نىڭ ەڭ سوڭعى باسشىسى گورباچەۆ يادرولىق سوعىستى بولدىرماۋ جونىندەگى قارار قابىلداۋعا ۇندەدى
جۇما كۇنى ك س ر و- نىڭ ەكس- پرەزيدەنتىنىڭ ماقالاسى Time جۋرنالىندا دا جاريالاندى، ول سونداي- اق ب ۇ ۇ قاۋىپسىزدىك كەڭەسىنىڭ مۇشەلەرىن «مەملەكەت باسشىلار دەڭگەيىندە قاۋىپسىزدىك كەڭەسىنىڭ كەزدەسۋىن وتكىزىپ، يادرولىق سوعىسقا جول بەرىلمەيتىندىگى جانە ول ەشقاشان بولمايتىندىعى تۋرالى جازىلعان قاراردى قابىلداۋعا» ۇندەدى، - دەپ جازادى «ريا نوۆوستي» اگەنتتىگى.
«الەم مەن بەيبىتشىلىكتى ۇستاپ تۇرۋعا جاۋاپ بەرەتىن ەڭ باستى ورگان ب ۇ ۇ قاۋىپسىزدىك كەڭەسىنىڭ مۇشەلەرىن العاشقى قادام جاساۋعا شاقىرامىن» ، دەپ جازدى گورباچەۆ «رەسەي گازەتى» سايتىندا جاريالانعان ماقالاسىندا.
ول وسىنداي باستامامەن ەرەكشە جاۋاپكەرشىلىك ارتىلىپ وتىرعان رەسەي مەن ا ق ش پرەزيدەنتتەرى شىقسا دۇرىس بولار ەدى دەگەن ويىن ءبىلدىردى. ونىڭ ايتۋىنشا، الەمنىڭ يادرولىق ارسەنالىنىڭ 90 پايىزىنا وسى ەلدەر يە.
