نازاربايەۆ ۋنيۆەرسيادانىڭ اشىلۋىندا: ءبىز ەڭ ۇنەمدى ءارى ىقشامدى ويىندار وتكىزەمىز

استانا. قازاقپارات - الماتىدا جالاۋى جەلبىرەگەن 28- دۇنيەجۇزىلىك قىسقى ۋنيۆەرسيادا ويىندارىنىڭ دايىندىعىنا باعا بەرگەن پرەزيدەنت نۇرسۇلتان نازاربايەۆ بۇل جارىس قازاقستان ءۇشىن ەڭ ءتيىمدى جانە ەڭ ىقشامدى بولاتىنىن ايتتى، دەپ حابارلايدى قازاقپارات.

«ءبىز ەڭ ءتيىمدى، ۇنەمدى، ىقشامدى جارىس وتكىزىپ جاتىرمىز. بۇل جوباعا قۇيىلعان ينۆەستيتسيالار قازاقستاندىقتاردىڭ يگىلىگىنە جارايدى. جاڭا سپورت ارەناسى بۇقارالىق سپورت تۇرلەرىنىڭ توعىسقان ورتاسىنا اينالادى. ال، اتلەتيكا اۋىلى الماتىداعى 1700 وتباسىعا قولجەتىمدى الەۋمەتتىك باسپانا رەتىندە بەرىلىپ، جاڭا شاعىن اۋدان پايدا بولادى»، - دەدى ەلباسى. مەملەكەت باسشىسى اتاپ وتكەندەي، الماتىدا باستالعان 28- دۇنيەجۇزىلىك قىسقى ۋنيۆەرسيادا ويىندارىن الەمنىڭ 43 تەلەارناسى 80 ەلگە تاراتادى. ال، ۋنيۆەرسيادا ويىندارىن تاماشالايتىن اۋديتوريا 1 ميلليارد ادامعا جەتەدى دەگەن بولجام بار.