قىس ۋاقىتىندا قالاي دۇرىس تاماقتانۋ كەرەك

استانا. قازاقپارات - قىلىشىن سۇيرەپ كەلگەن قىس مەزگىلىندە اعامىزداعى دارۋمەن تاپشىلىعى ارتادى. ونى قالاي تۇزەي الامىز؟

كۇننىڭ قىسقالىعىنا قاراماستان ءوزىڭىزدى سەرگەك سەزىنۋ ءۇشىن، اعزاڭىزدى پايدالى زاتتارمەن قۋانتقانىڭىز ابزال.

اسىرەسە، ارتىق سالماقتان ارىلۋعا بەل بۋساڭىز، دەنساۋلىعىڭىزعا ەرەكشە ءمان بەرگەنىڭىز ءجون. سوندىقتان اعزاڭىز قىس ۋاقىتىندا قاجەتسىنەتىن تاعامداردان باس تارتپاعايسىز.

قىس مەزگىلىندە تاعام ۇلەسىندە اقۋىز جەتكىلىكتى بولۋى ءتيىس. بالىق، تاۋىق جۇمىرتقاسى، سيىر، قۇس ەتتەرىن، ءسۇت ونىمدەرى مەن ۇرمە بۇرشاقپەن كوپ اۋقاتتانعانىڭىز ءلازىم.

ايتپاقشى، ءتاتتىنى كوپ جەمەگەنىڭىز ءجون، سەبەبى قانت يممۋنيتەت جاسۋشالارىنىڭ زياندى پاتوگەندەرگە توتەپ بەر قابىلەتىن تومەندەتىپ، سىرقاتتانۋ قاۋپى ارتادى.

سورپانى كوپ ءىشىڭىز. ولار - تويىمدى ءارى قۇنارلىلىعى تومەن. دوڭىز ەتىنەن باس تارتىپ، كارتوپتى كوپ قوسپاڭىز. سونىمەن قاتار قۋىرىلعان تاعامدارمەن اۋەستەنبەگەنىڭىز ابزال.

تاعام ۇلەسىنە بۇرشاق تۇقىمداستاردى قوسىڭىز. ولار - اقۋىز، جاسۇنىقتارعا باي. سوندىقتان كومىرسۋلى كارتوپ نەمەسە كۇرىشتىڭ ورنىنا تاماشا گارنير بولا الادى. جاسىمىق، اسبۇرشاق، نوقات... ولاردى قولدانۋدىڭ دا ۋاقىتى كەلدى.

س دارۋمەنىنە نازار اۋدارىڭىز. شىندىعىندا، ول وتە وڭاي. مىسالى، تاڭەرتەڭگىلىك بوتقاعا مۇكجيدەك نەمەسە باسقا دا جيدەك قوسۋىڭىزعا بولادى. ال كەشكى اسقا گارنيردىڭ ورنىنا اشىتىلعان قىرىققابات تاڭداڭىز.

دۇرىس تاماقتانىڭىز. ەگەر كۇندەلىكتى تاماقتانۋ ءتارتىبى تاڭعى جانە كەشكى استان تۇرسا، ءسىرا، ودان زيانى نە ناشارى بولما. ەڭ دۇرىسى - 3 رەت نەگىزگى تاماق، 2 رەت ازداعان تىسكەباسارمەن اۋقاتتانۋ. سوندا اعزاڭىز ارتىق ماي جينامايدى. بانان، الما نە ءبىر ۋىس جاڭعاق جەۋگە 5 مينۋتتان ارتىق ۋاقىت كەتپەيدى. ەسەسىنە تويىمدىلىعى مەن ازاڭىزعا پايداسى وتە زور.

Stan.kz