بالالاردى اسىراپ الۋعا ارنالعان دەرەكقور سۋرەتتەرمەن تولىقتى
بۇل تۋرالى بەلگىلى پروديۋسەر، تەلەجۇرگىزۋشى جانە «ميلوسەرديە» ەرىكتى قوعام قايىرىمدىلىق قورىنىڭ ديرەكتورى ارۋجان ساين Facebook الەۋمەتتىك جەلىسىندە مالىمدەگەن، دەپ حابارلايدى «قازاقپارات» ح ا ا ءتىلشىسى.
سايتتا ۇسىنىلعان تەتىكتەردى باسۋ ارقىلى بالا اسىراپ العىسى كەلەتىن اتا-انالار بالانىڭ جىنىسى مەن جاسىن انىقتاۋعا، سونىمەن قاتار ونىڭ سۋرەتىن كورۋگە مۇمكىندىك الدى. ارۋجان ساين حابارلاعانداي، سايتتا قازاقستان بويىنشا 5 مىڭنان استام بالانىڭ دەرەگى ۇسىنىلعان. «مەملەكەتتىك دەرەكتەر بانكىنىڭ سايتىندا بالالاردىڭ سۋرەتى ەنگىزىلدى! باليا كەنجەبولاتوۆا (ق ر ب ع م ءمينيسترىنىڭ بالالار قۇقىعىن قورعاۋ بويىنشا كەڭەسشىسى)، سىزگە جانە مينيسترگە ۋادەلەرىڭىزدە تۇرعاندارىڭىز ءۇشىن العىس ايتامىن! بۇل قادام بالالار ءۇشىن دە، ەلىمىز ءۇشىن دە وتە ماڭىزدى!» - دەپ جازدى ساين.
