ۋنيۆەرسيادا: سلوۆاكيا حوككەيشىلەرى ۇلى بريتانيانى تىزە بۇكتىردى

استانا. قازاقپارات - ۋنيۆەرسيادا-2017 ويىندارى اياسىندا حوككەيدەن ەرلەر اراسىندا وتكەن العاشقى ماتچتا سلوۆاكيا مەن  ۇلى بريتانيا قۇرامالارى كەزدەستى، دەپ حابارلايدى قازاقپارات. ماتچ 9:0 (3:0,2:0,4:0) ەسەبىمەن سلوۆاكيانىڭ جەڭىسىمەن اياقتالدى.

العاشقى شايبانىڭ اۆتورى ويىننىڭ 3-مينۋتىندا ەدمۋند پياكا اتاندى. ەكى مينۋتتان سوڭ، يۆان ياكۋبيك ەسەپتى ەسەلەدى. ءبىرىنشى اينالىمنىڭ سوڭعى مينۋتتارى قالعاندا توماس حلۋح ءۇشىنشى گولدى سالدى. ەكىنشى اينالىمدا سلوۆاكيالىق قۇراما تاعى ەكى شايبانى قارسىلاستار قاقپاسىنا توعىتتى. كەزدەسۋدىڭ 21-مينۋتىندا پياكا، 29-مينۋتىندا پاۆلودارلىق "ەرتىس" كلۋبىنىڭ ساپىندا وينايتىن ميحال پيحنارچيك گول اۆتورى اتاندى. ءۇشىنشى كەزەڭدە سلوۆاكيالىق حوككەيشىلەر قاقپاعا جاۋاپسىز ءتورت گول باعىتتادى. شايبانى يۆان برەزنياك، يۆان ياكۋبيك (ەكى مارتە)، توماس حلۋح سالدى. وسى جەڭىسىنىڭ ارقاسىندا سلوۆاكيا ۆ توبىندا 3 ۇپايمەن كوش باستادى.