نيۋ-يورك اۋەجايىندا بوسقىنداردى تۇتقىنداۋعا قارسى نارازىلىق باستالدى

بىرنەشە بەلسەندى اۋەجاي تەرمينالىندا نارازىلىق ۇيىمداستىرىپ، قونىس اۋدارۋعا ءماجبۇر بولعان بوسقىنداردى بوساتۋدى سۇرادى، دەپ حابارلايدى بي- بي- سي. كەلگەن جۋرناليستەردىڭ حابارلاماسىنا سايكەس، نارازىلىق بىلدىرۋشىلەر «ءبىز بوسقىندارمەن بىرگەمىز» دەپ ۇرانداپ جاتقاندا، كەيبىر مۇسىلماندار دۇعا جاساۋمەن بولعان.
بۇل جارلىقتىڭ سالدارى ازىرگە بەلگىسىز. ادام قۇقىقتارىن قورعاۋ تۋرالى بىرنەشە ۇيىمدار بۇل جارلىققا قارسى سوتقا شاعىم تۇسىرەتىنى حابارلاندى. ترامپتىڭ جارلىعىندا كورسەتىلگەن جەتى ەلدىڭ اۋە كومپانيالارى ءوز جولاۋشىلارىنا ەگەر ولاردىڭ ا ق ش- تا تۇرۋ تۋرالى ىقتيار حاتى (گرين- كارتا) نەمەسە ديپلوماتيالىق ۆيزاسى بولماسا، امەريكاعا رەيس جاساۋدان باس تارتۋعا ءماجبۇر ەكەندىگىن مالىمدەگەن. بۇل ەلدەردىڭ قاتارىندا - يراك، يران، يەمەن، ليۆيا، سيريا، سومالي مەن سۋدان بار.
ا ق ش پرەزيدەنتى دونالد ترامپ سيريادان كەلەتىن بوسقىنداردى قابىلداماۋ تۋرالى جارلىققا جۇما كۇنى ا ق ش- تىڭ قورعانىس ءمينيسترى قىزمەتىنە گەنەرال دجەيمس ماتتيستى ۇلىقتاۋ راسىمىندە قول قويدى. سونىمەن قاتار وزگە مەملەكەتتەردەن كەلەتىن ميگرانتتاردى كىرگىزۋدى 120 كۇنگە شەكتەدى. «ەلىمىزگە تەك ءبىزدى قولدايتىن جانە حالقىمىزدى شىن كوڭىلىمەن جاقسى كورەتىن ادامداردى عانا كىرگىزگىمىز كەلەدى»، - دەپ اتاپ ءوتتى ترامپ قول قويۋ راسىمىندە.