09:24, 29 - قاڭتار 2017 | GMT +5
يتاليادا سيركتەن قاشىپ كەتكەن جولبارىس قالا تۇرعىندارىنىڭ زارەسىن ۇشىردى - كەسكىن
استانا. قازاقپارات - سيتسيليادا وسكار ەسىمدى بەنگال جولبارىسى كوشپەلى سيركتەن قاشىپ كەتىپ، دۇكەننىڭ الدىنا جاتىپ العان.

ونى كورگەن تۇرعىنداردىڭ زارەسى ۇشىپ، قاتتى قورىققان. بۇل تۋرالى The Daily Mail جازادى. جىرتقىش قوجايىنىنان تاڭەرتەڭ ەرتە قاشىپ كەتكەن. سودان سوڭ يتاليانىڭ پالەرمو قالاسىنىڭ كوشەسىن بىرنەشە ساعات كەزىپ جۇرگەن. كەيىن ونى جۇرگىزۋشىلەر كورىپ، وقيعا ورنىنا پوليتسيا شاقىرتقان. ۆيدەودا جىرتقىشتىڭ بەيقام كۇيدە كوشەنى كەزىپ جۇرگەنى، ادامدارعا قاراپ، الاڭسىز تۇرعان ءساتى تۇسىرىلگەن. ساقشىلار اڭدى اتپاي-اق تورعا ءتۇسىرىپ، يەسىنە قايتارىپ بەرگەن. ونىڭ قالاي قاشىپ كەتكەنى ازىرگە بەلگىسىز.