ترامپ ۇلى بريتانيانىڭ ەۋرووداقتان شىعاتىنىن قۇپتادى

ۆاشينگتوندا بريتان پرەمەر- ءمينيسترى تەرەزا مەيمەن وتكىزگەن كەلىسسوزدەردەن كەيىن بىرلەسكەن باسپا ءسوز ءماسليحاتىندا ترامپ بىرىككەن ەۋروپامەن بيزنەس جۇرگىزۋدەن كاسىپكەر رەتىندە «وتە ايانىشتى تاجىريبەسى» بارىن ايتقان.
اق ءۇي باسشىسى لوندونمەن «ايرىقشا قارىم- قاتىناستى» بۇدان كەيىن دە قولداي بەرەتىنى تۋرالى مالىمدەگەن.
ءوز كەزەگىندە تەرەزا مەي ۆاشينگتون ناتو وداعىن تولىق قولداۋعا ۋادە ەتكەنىن جانە ا ق ش پەن ۇلى بريتانيا اراسىندا جاڭا، ەكىجاقتى ساۋدا كەلىسىمىنە قول قويۋ ماسەلەسىندە پروگرەسس بارىن حابارلاعان.
ا ق ش پرەزيدەنتى ءوزىن ۇلى بريتانياعا مەملەكەتتىك ساپارمەن كەلۋگە شاقىرعان بريتان پاتشايىمى ەليزاۆەتانىڭ شاقىرۋىن قابىل العان.
بۇعان دەيىن ترامپ ا ق ش ترانس اتلانتيكالىق ىنتىماقتاستىق جونىندەگى كەلىسسوزدەن شىعۋى ءتيىس جانە ارىپتەستەرمەن قارىم- قاتىناستى ەكىجاقتى كەلىسىم فورماتىندا دامىتۋ قاجەت دەپ مالىمدەگەن ەدى.
«ازاتتىق» جاڭالىقتارى