لۋكاشەنكو: باۋىرلاس ۋكراينا ءوز تاۋەلسىزدىگى ءۇشىن سوعىسىپ جاتىر
لۋكاشەنكونىڭ سوزىنشە، بەلارۋس تاۋەلسىزدىككە تىم جەڭىل قول جەتكىزسە، باسقا ەلدەر ول ءۇشىن سوعىسۋعا ءماجبۇر بولدى. بەلارۋس پرەزيدەنتى مينسك ءۇشىن تاۋەلسىزدىك جولىنداعى سوعىس ساياسي ءيا ەكونوميكالىق سالادا ەمەس، ەكونوميكالىق تۇرعىدان ءجۇرىپ جاتىر.
بەلارۋس ۋكراينا شىعىسىندا ءوزىن- ءوزى جاريالاعان «حالىق رەسپۋبليكالارىن» مويىنداعان ەمەس. كيەۆتەگى بەلارۋس ەلشىسى ۆالەنتين ۆەليچكو بۇدان بۇرىن مينسكىنىڭ ۋكراينانىڭ تۇتاستىعىن قولدايتىنىن مالىمدەگەن. مينسك بۇدان وزگە رەسەيدىڭ بەلارۋسپەن شەكاراسىندا اسكەري كۇشىن ارتتىرىپ جاتقانىنا الاڭدايتىنىن بىرنەشە رەت بىلدىرگەن.
مينسك دونباستاعى قارۋلى قاقتىعىسقا قاتىسۋشىلار كەلىسسوز جۇرگىزەتىن ورىنعا اينالعان.
الەكساندر لۋكاشەنكو 2016 -جىلى جەلتوقساندا پەتەربۋرگتە وتكەن ەۋرازيا ەكونوميكالىق وداعى مەن ۇجىمدىق قاۋىپسىزدىك شارتى ۇيىمىنىڭ سامميتتەرىنە بارماعان. قاڭتاردىڭ باسىندا بەلارۋس 80 مەملەكەتتىڭ، ونىڭ ىشىندە ا ق ش، ەۋروپا وداعى ەلدەرى، جاپونيا مەن برازيليا ازاماتتارى ءۇشىن بەس كۇنگە دەيىن ۆيزاسىز كەلىپ- كەتۋ ءتارتىبىن ەنگىزگەن.
«ازاتتىق» جاڭالىقتارى
