ۇيىمداستىرۋشىلار ۋنيۆەرسيادانىڭ باستى قۇپياسىن اشتى

ءبىزدىڭ باستى قۇپيالارىمىزدىڭ ءبىرىن اشىپ وتىرمىن»، دەدى 28- بۇكىلالەمدىك قىسقى ۋنيۆەرسيادانى دايىنداۋ جانە وتكىزۋ جونىندەگى ديرەكسياسى ديرەكتورى نايل نۋروۆ. بۇل تۋرالى قازاقپارات ءتىلشىسى حابارلايدى.
«ۋنيۆەرسيادانىڭ اشىلۋ سالتاناتىندا تەك قازاقستاندىق ارتىستەر، ورىنداۋشىلار، بيشىلەر ونەر كورسەتەدى. بۇل دا ءبىزدىڭ ۇلكەن جەتىستىگىمىز، قۇپيامىزدىڭ ءبىرى - وسى. سونىمەن قاتار، اشىلۋ سالتاناتىن قويۋ، وڭدەۋ، دەكوراتسياسىن جاساۋدا تەك قازاقستاندىق كومپانيالار عانا قاتىسىپ وتىر. ءبىز وسىلاي جاساي الاتىنىمىزدى ايتا كەتۋ كەرەك»، دەدى نايل نۋروۆ.
ءوز سوزىندە ۋنيۆەرسيادا ديرەكسياسىنىڭ ديرەكتورى اشىلۋ سالتاناتىنا قاتىسقىسى كەلەتىندەردىڭ كوپ ەكەنىن، الايدا ورىن بارىنە جەتپەيتىنىن ايتتى.
«الماتى ارەناعا» 12000 ادام سىيعانىمەن، كوپ ورىن دەكوراتسيالىق كورنەكى قۇرالدارىنا ءبولىندى. ءبىز قوناقجاي حالىق رەتىندە ارينە، ءبىرىنشى قوناقتارعا ورىن بەرۋىمىز كەرەك. سوندىقتان، سالتاناتتى اشىلۋ شاراسىنا قاتىسۋعا مۇمكىندىك بولماي جاتقانداردان ارنايى كەشىرىم سۇرايمىز»، - دەدى ن. نۋروۆ.
اۆتور: الماس مۇقاش ۇلى