ۆاليۋتا نارىعىنداعى جاعداي تۇراقتالدى - اقىشيەۆ

استانا. قازاقپارات - قازىرگى تاڭدا ۆاليۋتا نارىعىنداعى جاعداي تۇراقتالدى، دەپ مالىمدەدى بۇگىن ق ر ۇلتتىق بانك ءتوراعاسى دانيار اقىشيەۆ ا ق شا- نەسيە ساياساتى جونىندەگى تەحنيكالىق كوميتەتتىڭ وتىرىسىن قورىتىندىلاپ.
None
None

 بۇل تۋرالى «قازاقپارات» ح ا ا حابارلادى.

اقىشيەۆتىڭ اقپاراتىنا سۇيەنسەك، تەڭگە باعامى تەك 2016 -جىلدىڭ باسىندا ايتارلىقتاي وزگەرگەن. ونىڭ اۋىتقۋى مۇناي باعاسىنىڭ تومەندەۋىنە بايلانىستى بولعان، اسىرەسە 2016 -جىلدىڭ قاڭتار ايىندا وزگەرىسكە ۇشىراعان. ودان كەيىن تەڭگە باعامى ايتارلىقتاي اۋىتقىمادى، ال 2016 -جىلى تەڭگە ا ق ش دوللارىنا شاققاندا 2 پايىزعا نىعايدى.

 قارجى رەتتەۋ باسشىسى حابارلاعانداي، ۆاليۋتا نارىعىنداعى ۇلتتىق بانكتىڭ ينتەرۆەنسياسى ءبىر جىلدا تومەندەگەن - شەتەل ۆاليۋتاسىن ساتىپ الۋ تۇرىندە 2,9 ميلليارد ا ق ش دوللارىن قۇراعان. ولاردىڭ نەگىزگى كولەمى جىلدىڭ باستاپقى ايىندا تومەندەدى.

«جاز ايلارىندا ۇلتتىق بانكتىڭ ۆاليۋتا ساۋداسىنداعى قاتىسۋى ايتارلىقتاي بولمادى، ال قىركۇيەك ايىندا ءبىزدىڭ قاتىسۋىمىز نولگە تەڭەلدى. ءتىپتى 2016 -جىلدىڭ باسىندا نارىققا ءبىزدىڭ ارالاسۋىمىز شەتەل ۆاليۋتاسىنان ۇلتتىق اقشامىزعا جيناقتار مەن باسقا دا قورلاردىڭ اعىلۋى ناتيجەسىندە ارتىق ۇسىنىم سالدارىنان ورىن الدى»، - دەپ اتاپ ءوتتى د. اقىشيەۆ.

سوڭعى جاڭالىقتار