قىتاي قازاقستانمەن اراداعى شەكارانى ۋاقىتشا جاپتى

استانا. قازاقپارات - قىتاي حالقىنىڭ جاڭا جىل مەيرامىنا بايلانىستى قازاقستان- قىتاي شەكاراسىنىڭ وتكىزۋ بەكەتى ۋاقىتشا جابىلدى، دەپ حابارلايدى قازاقپارات.

 «شەكاراداعى وتكىزۋ پۋنكتتەرىنىڭ بارلىعى مەرەكەگە بايلانىستى جابىلدى»، - دەپ حابارلادى ق ر ۇلتتىق قاۋىپسىزدىك كوميتەتى شەكارا قىزمەتىنىڭ كەزەكشىسى.

 سونىمەن قاتار، قىتاي حالىق رەسپۋبليكاسىنىڭ قازاقستانداعى كونسۋلدىق ءبولىمى دە 2017 -جىلدىڭ 27 - قاڭتارى مەن 2 - اقپانى ارالىعىندا جۇمىس ىستەمەيدى.

بيىل قىتايدىڭ جاڭا جىلى 28 - قاڭتارعا قاراعان ءتۇنى باستالدى. شىعىس كۇنتىزبەسى بويىنشا قىتاي جاڭا جىلىنىڭ بەلگىلى ءبىر بەلگىلەنگەن كۇنى جوق، سوندىقتان ءار جىلدا ءار كۇندەرى تويلانادى. جاڭا جىلدى قىتايلار ايعا قاراپ بىلەدى، ياعني، جىلدىڭ العاشقى ايىنداعى ءبىرىنشى تولعان اي ءتۇنى قىتاي حالقىنىڭ جاڭا جىلى باستالادى. جانە دە بۇل ەلدەگى جاڭا جىل ون بەس كۇنگە جالعاسادى.