جەدەل كەڭەس بارىسىندا سولتۇستىك قازاقستاندىق پوليتسەيلەرگە ءبىرقاتار تاپسىرمالار بەرىلدى - فوتو

استانا. قازاقپارات - جەدەل كەڭەستىڭ جۇمىسىنا سولتۇستىك قازاقستان وبلىسىنىڭ اكىمى ەرىك سۇلتانوۆ، قازاقستان رەسپۋبليكاسى ىشكى ىستەر ءمينيسترىنىڭ ورىنباسارى پوليتسيا گەنەرال- مايورى ەرلان تۇرعىمبايەۆ، قۇقىق قورعاۋ جانە مەملەكەتتىك ورگانداردىڭ باسشىلارى، ۇكىمەتتىك ەمەس ۇيىمداردىڭ، جەرگىلىكتى اتقارۋشى بيلىك وكىلدەرى، س ق و ءى ءى د جانىنداعى كونسۋلتاتيۆتىك- كەڭەسشى ورگان مۇشەلەرى قاتىستى.

بۇل تۋرالى س ق و ءى ءى د باسپا ءسوز قىزمەتى حابارلادى.

كەڭەستىڭ كۇن تارتىبىندە - س ق و ىشكى ىستەر ورگاندارىنىڭ، سونىمەن قاتار ت ج د مەن ق ا ج د جەدەل- قىزمەتتىك جۇمىسىنىڭ قورىتىندىسى.

س ق و ءى ءى د باستىعى پوليتسيا گەنەرال- مايورى بەرىك ءبىلالوۆ سولتۇستىك قازاقستاندىق پوليتسيا جۇمىسىنىڭ قورىتىندىسى تۋرالى حاباردار ەتتى. ونىڭ مالىمەتىنشە، 2016 - جىلى سولتۇستىك قازاقستان وبلىسىندا 9031 قىلمىس تىركەلگەن، بۇل 2015 -جىلمەن سالىستىرعاندا 11 پايىزعا تومەن. وبلىستا قىلمىستىڭ بارلىق ساناتتارىنىڭ تومەندەۋىنىڭ وڭ ديناميكاسى بايقالدى. بوتەننىڭ مۇلكىن ۇرلاۋمەن كۇرەس ماسەلەلەرىندە دە ىلگەرىلەۋشىلىك بار. بارلىق دەرلىك قىلمىستاردى اشۋ كورسەتكىشى جاقساردى. وسى جاعدايلار س ق و ءى ءى د- ءنىڭ رەسپۋبليكادا الدىڭعى ورىنداردان كورىنۋىنە مۇمكىندىك بەرەدى.

پوليتسيا ۆەدومستۆوسىنىڭ باسشىسى قۇقىق قورعاۋ ورگاندارىن ماتەريالدىق- تەحنيكالىق جاراقتاندىرۋ ماسەلەلەرىنە ايرىقشا كوڭىل بولەتىن جەرگىلىكتى اتقارۋشى ورگانداردىڭ جان- جاقتى قولداۋىن ەرەكشە اتاپ ءوتتى. ءسوز سوڭىندا، ول 2017 -جىل س ق و ءى ءى د جەرگىلىكتى پوليتسيا قىزمەتىنىڭ جىلى ەكەندىگىنە توقتالا كەتتى.

ۆيتسە- مينيستر، پوليتسيا گەنەرال- مايورى ەرلان تۇرعىمبايەۆ كەڭەس بارىسىندا قىلمىستىق- اتقارۋ جۇيەسى دەپارتامەنتىنىڭ باسشىلىعىنا باس بوستاندىعىنان ايىرۋ ورىندارىنان بوساپ شىققان تۇلعالاردى الەۋمەتتىك وڭالتۋ تۇرعىسىندا ىشكى ىستەر ورگاندارىمەن ءوزارا قارىم- قاتىناس جۇرگىزۋ قاجەتتىگىن اتاپ ءوتتى. پروباتسيا قىزمەتى بۇل ادامدارعا جاڭا ورتاعا بەيىمدەلۋدە كومەك كورسەتۋى ءتيىس. ال، كوكتەمگى سۋ تاسقىنىنا دايىندىق جۇمىستارىن ۇيىمداستىرۋ توتەنشە جاعدايلار دەپارتامەنتىنە تاپسىرىلدى.

 «قۇقىق بۇزۋشىلىقتاردىڭ الدىن الۋدا جانە ەسكەرتۋدە كومەك كورسەتۋ ماقساتىندا، جەرگىلىكتى اتقارۋشى ورگاندار تاراپىنان جەرگىلىكتى پوليتسيانىڭ ماتەريالدىق- تەحنيكالىق قامتاماسىز ەتىلۋىن نىعايتۋ، سولتۇستىك قازاقستاندىق ءتارتىپ ساقشىلارىنىڭ جۇمىس جاعدايىن جاقسارتۋ بويىنشا شارالار قابىلدانۋدا. وسىلايشا، 2016 -جىلى وبلىس بيۋدجەتىنەن جەرگىلىكتى پوليتسيا قىزمەتى ءۇشىن اۆتوكولىك پەن باسقا دا تەحنيكالىق قۇرالدار الۋعا 514 ميلليون تەڭگە ءبولىندى. ۇستىمىزدەگى جىلى «قاۋىپسىز قالا» ءادىسى بويىنشا بەينەباقىلاۋ كامەرالارىن الۋعا جانە ورناتۋعا، تايىنشا ا ءى ءى ب ۋاقىتشا ۇستاۋ يزولياتورىنا ارنالعان عيمارات الۋعا 430 ميلليون تەڭگە ءبولۋ جوسپارلانعان»، - دەدى وبلىس اكىمى ەرىك سۇلتانوۆ ءوز سوزىندە.

 وبلىس اكىمى پوليتسەيلەردى قارقىندى تۇردە جۇمىس ىستەۋگە باعدارلادى. ەرىك حامزا ۇلى جەدەل- قىزمەتتىك جۇمىسىنىڭ ناتيجەسى بويىنشا ۇزدىك دەپ تانىلعان ىشكى ىستەر ورگاندارى بولىنىستەرىنىڭ باسشىلارىنا گراموتالار مەن باعالى سىيلىقتار تاپسىردى. جيىندا ۇيىمداسقان قىلمىسقا قارسى كۇرەس باسقارماسى، تەرگەۋ باسقارماسى، سقو ءىىد جەرگىلىكتى پوليتسيا قىزمەتى ماراپاتتالدى. اۋداندىق بولىنىستەر اراسىندا جامبىل، ءۋاليحانوۆ جانە شال اقىن اۋداندارىنىڭ ءى ءى ب ۇزدىك اتاندى.

ءىس- شارانىڭ تاعى ءبىر ەرەكشە وقيعاسى ق ر ىشكى ىستەر ۆيتسە- ءمينيسترىنىڭ سولتۇستىك قازاقستان وبلىسى ىشكى ىستەر دەپارتامەنتىنە تۋ تابىس ەتۋى بولدى. «... ءوز بورىشىنا ادال قىزمەت ەتۋدىڭ سيمۆولى بولىپ تابىلاتىن تۋ سولتۇستىك قازاقستاندىق پوليتسەيلەردى پاتريوتتىققا تاربيەلەۋ مەن كاسىبي وزەكتى نىعايتۋدىڭ ەرەكشە بەلگىسى بولادى...»، - دەپ اتاپ كەتتى ۆيتسە- مينيستر.

جەدەل كەڭەس اياقتالعان سوڭ پوليتسيا گەنەرال- مايورى ەرلان تۇرعىمبايەۆ ءبىرقاتار وبەكتىلەرگە، ناقتىراق ايتقاندا حالىققا قىزمەت كورسەتۋ ورتالىعىنا، تۇرعىن ۇيگە مۇقتاج پوليتسيا قىزمەتكەرلەرىنە جاتاقحانا اشۋ ءۇشىن جوسپارلانعان عيماراتقا، «دينامو» ستاديونىنىڭ جوندەۋدەن وتكەن سپورتزالىنا باردى.