جەرورتا تەڭىزىنەن ريم يمپەرياسى كەزىندەگى كەمە تابىلدى

استانا. قازاقپارات - يسپانيالىق ارحەولوگتار كابرەرا ارالى ماڭىنان (بالەار ارالدارىنىڭ توبىنا جاتادى) ريم يمپەرياسى كەزىنە جاتاتىن، شامامەن 1,8 جىل بۇرىن سۋ استىنا كەتكەن كەمەنى تاۋىپ الدى، دەپ جازادى ر ي ا نوۆوستي.
None
None

كەمە 70 مەتر تەرەڭدىكتە جاتىر جانە ۇلكەن كولەمدە قۇمىرالار تاسىمالداۋمەن اينالىسقان. كەمە سۋ استىندا قانشا جىل جاتسا دا قۇمىرالار جاقسى ساقتالىپ قالعان. بۇل بالەار ارالدارىنان تابىلعان ەڭ قۇندى جادىگەرلەر، دەپ جازادى El País.

«بىزگە ءمالىم بولعانىنداي، يسپانيا سۋلارىنان تۇڭعىش رەت سۋ استىنا كەتكەلى ەشكىمنىڭ اياعى باسپاعان كەمە تابىلدى»، - دەپ مالىمدەدى ارحەولوگ حاۆەر رودريگەس.

كابرەرا ارالدارىنان ريم يمپەرياسىنىڭ كەزىنەن جەتكەن بارلىعى 12 كەمە تابىلعان.



سۋ استىندا كەمە بولۋى مۇمكىن دەگەن جاڭالىقتى العاشقى بولىپ جەرگىلىكتى بالىقشىلار جەتكىزگەن. ولاردىڭ بالىق اۋلاۋعا ارنالعان تورلارىنا قۇمىرالاردىڭ بولشەكتەرى تۇسكەن. وتكەن جىلدىڭ ءساۋىر ايىندا عىلىمي ەكسپەديتسيا وسى اۋداندا ەكى روبوتتى سۋعا ءتۇسىرىپ، ولاردىڭ كومەگىمەن 15 مەتر قالىڭدىقتاعى قۇم اراسىنان ءتۇرلى كولەمدەگى قۇمىرالاردىڭ ءتۇسىرىلىمىن جاسادى.

قازان ايىندا ەكى كاسىبي سۇڭگۋىر كەمەنى زەرتتەۋ ءۇشىن بىرنەشە رەت سۋ تۇبىنە سۇڭگىگەن. ولار 2 مىڭنان استام ءتۇسىرىلىم جاسادى.

ارحەولوگتاردىڭ مالىمەتتەرىنشە، كەمە ءبىزدىڭ ەرامىزعا دەيىنگى III جانە IV عاسىرلارعا جاتادى.

بولجام بويىنشا، ۇزىندىعى 20 مەتر بولاتىن كەمە ساۋدا جاساۋمەن اينالىسقان جانە ول سولتۇستىك افريكا، يسپانيا، فرانسيانىڭ وڭتۇستىگى مەن ريم اراسىندا جۇزەتىن بولعان.

 «بالەار ارالدارى جولدىڭ ورتاسىندا جاتىر. وسىعان قاراي ول اۋا رايىنىڭ بۇزىلعان جاعدايدا تاسالاي تۇرۋعا جاقسى مۇمكىندىك بەرەتىن. ولار اۋا رايىنىڭ بۇزىلۋىنا بايلانىستى جاعالاۋعا جەتە الماي كەمە سۋعان كەتكەن بولۋى مۇمكىن»، - دەيدى رودريگەس.

سوڭعى جاڭالىقتار